Anil Ravipudi: అనిల్‌ రావిపూడి.. మరో సినిమా లాక్‌..

ఈతరం దర్శకుల్లో ఫెయిల్యుర్‌ తెలియని దర్శకుడు అనిల్‌ రావిపూడి (Anil Ravipudi). వినోదం ప్రధానంగా ఆయన సినిమాలుంటాయి.

ఈతరం దర్శకుల్లో ఫెయిల్యుర్‌ తెలియని దర్శకుడు అనిల్‌ రావిపూడి (Anil Ravipudi). వినోదం ప్రధానంగా ఆయన సినిమాలుంటాయి. ఈ ఏడాది సంక్రాంతికి వెంకటేశ్‌తో ‘సంక్రాంతికి వస్తున్నాం’ సినిమాతో భారీ విజయాన్ని అందుకున్నారు. వచ్చే ఏడాది మెగాస్టార్‌ చిరంజీవితో ‘మన శంకర వరప్రసాద్‌గారు’ సినిమాతో ప్రేక్షకుల్ని అలరించేందుకు సిద్ధమవుతున్నారు. అయితే తాజాగా ఆయన గురించి ఓ వార్త నెట్టింట చక్కర్లు కొడుతుంది. దక్షిణాదిలో భారీ సినిమాలు చేస్తున్న కెవిఎన్‌ ప్రొడక్షన్‌లో (KVN Productions) ఓ సినిమా చేయబోతున్నారని వార్తలొచ్చాయి. ఆ వార్తలు నిజమే అన్నట్లు ఆదివారం అనిల్‌ రావిపూడి పుట్టినరోజు సందర్భంగా క్లారిటీ ఇచ్చారు.

ఈ మేరకు ఆయనకు పుట్టినరోజు శుభాకాంక్షలు చెబుతూ నిర్మాణ సంస్థ ఓ పోస్ట్‌ పెట్టడంతో ఈ కాంబోలో సినిమా ఖాయమని క్లియర్‌ అయింది. అయితే ఇందులో హీరో ఎవరు? అనే వివరాలు వెల్లడించలేదు. ఇదే బ్యానర్‌లో చిరంజీవి - బాబీ కొల్లి సినిమా, యష్‌, విజయ్‌ ప్రాజెక్టులు ఉన్నాయి. అలాగే పవన్‌కల్యాణ్‌, లొకేశ్‌ కనకరాజ్‌ కాంబోలో కూడా ఓ సినిమా ఉంటుందని టాక్‌ నడుస్తోంది.