Anil Ravipudi: ‘మన శంకర వరప్రసాద్‌ గారు’ అనిల్‌ ఏం చెప్పారంటే..
ABN, Publish Date - Nov 30 , 2025 | 03:52 PM
మెగాస్టార్‌ చిరంజీవి ‘మన శంకర వరప్రసాద్‌ గారు’గా సంక్రాంతి బరిలో ధియేటర్‌లలో సందడి చేయనున్నారు. ఇటీవల ఓ ఈవెంట్‌లో పాల్గొన్న దర్శకుడు అనిల్‌ రావిపూడి ‘మన శంకర వరప్రసాద్‌ గారు’ అందరినీ సర్‌ప్రైజ్‌ చేస్తుందని చెప్పారు.
మెగాస్టార్‌ చిరంజీవి 'మన శంకర వరప్రసాద్‌ గారు’గా (Mana ShankaraVaraprasad) సంక్రాంతి బరిలో ధియేటర్‌లలో సందడి చేయనున్నారు. అనిల్‌ రావిపూడి దర్శకుడు. సాహు గారపాటి, సుష్మిత కొణిదెల నిర్మిస్తున్నారు. నయనతార కథానాయిక. ఇటీవల ఓ ఈవెంట్‌లో పాల్గొన్న దర్శకుడు అనిల్‌ రావిపూడి ‘మన శంకర వరప్రసాద్‌ గారు’ అందరినీ సర్‌ప్రైజ్‌ చేస్తుందని చెప్పారు.
‘గత సంక్రాంతి కంటే ఈ సారి డబుల్‌ బొనాంజ ఉంటుంది. చిరంజీవిని మనం ఎప్పటి నుంచో చూడాలనుకుంటున్న పాత్రలో కనిపించనున్నారు. ఇది ఆయనకు నచ్చిన జానర్‌. చిరు పూర్తిస్థాయి ఫ్యామిలీ ఎంటర్‌టైనర్‌లో నటించి దాదాపు 20 ఏళ్లు అవుతుంది. ఇన్నేళ్ల తర్వాత మళ్లీ ఆయన ఈ జానర్‌తో రానున్నారు.
గతంలో ఇలాంటి కథల్లో ఆయన ఆయన నటించిన చిత్రాలెన్నో బ్లాక్‌బస్టర్‌ హిట్స్‌ అందుకున్నారు. ఈ సినిమాతో చిరంజీవి అందరినీ సర్‌ప్రైజ్‌ చేయనున్నారు. ఇప్పటికే ‘మీసాల పిల్ల’ పాట సూపర్‌హిట్‌ అయింది. త్వరలోనే ఇంకో సాంగ్‌ రాబోతుంది. షూటింగ్‌ పూర్తవ్వగానే ప్రమోషన్స్‌ షురూ చేస్తాం’ అని అన్నారు. ప్రస్తుతం ఈ సినిమా షూటింగ్‌ చివ‌రి దశలో ఉంది. వెంకటేశ్‌ అతిథి పాత్రలో కనిపించనున్నారు.