Anaganaga Oka raju: భీమవరం ఎస్ఆర్కేఆర్  కాలేజీలో ‘భీమవరం బల్మా’ పాట..

‘ఏ కారణాల వల్ల నేను తెలుగు సినిమాతో ప్రేమలో పడ్డానో.. ఆ ఎంటర్టైన్మెంట్‌, ఆ కామెడీ, ఆ మాస్‌, కమర్షియల్‌ సాంగ్స్‌, అద్భుతమైన ప్రేమ కథ అన్నీ ఈ చిత్రంలో ఉంటాయి’ అని నవీన్‌ పోలిశెట్టి అన్నారు.

‘ఏ కారణాల వల్ల నేను తెలుగు సినిమాతో ప్రేమలో పడ్డానో.. ఆ ఎంటర్టైన్మెంట్‌, ఆ కామెడీ, ఆ మాస్‌, కమర్షియల్‌ సాంగ్స్‌, అద్భుతమైన ప్రేమ కథ అన్నీ ఈ చిత్రంలో ఉంటాయి’ అని నవీన్‌ పోలిశెట్టి (Naveen Polishetty) అన్నారు. ఆయన కథానాయకుడిగా తెరకెక్కుతున్న ‘అనగనగా ఒక రాజు’ (Anaganaga oka raju) చిత్రంలోని ‘భీమవరం బల్మా’ పాటను భీమవరం ఎస్‌ఆర్‌కెఆక్‌ కాలేజీలో విడుదల చేశారు. మీనాక్షి చౌదరి కథానాయిక. సూర్యదేవర నాగ వంశీ, సాయి  సౌజన్య నిర్మాతలు. మారి (Maari) దర్శకుడిగా పరిచయమవుతున్నారు. భీమవరంలో ఎంతో వైభవంగా జరిగిన ఈ వేడుకకు సంక్రాంతి పండుగను కాస ముందుగానే తీసుకొచ్చినట్టుగా ఎద్దుల బండిపై వేదికకు వచ్చారు నవీన్‌ పోలిశెట్టి. ఈ పాటను నవీన్‌ పోలిశెట్టి పాడటం విశేషం.  ఆయన మాట్లాడుతూ ‘భీమవరం బల్మా పాట అందరికీ నచ్చిందని అర్థమవుతోంది. ఈ మ్యాజిక్‌ అంతా మా మ్యూజిక్‌ డైరెక్టర్‌ మిక్కీ జె మేయర్‌ గారిదే. ప్రేక్షకుల ప్రేమ వల్లే నేను ఇక్కడి వరకు వచ్చాను. నా గత మూడు సినిమాలను ఎంతగానో ఆదరించారు. ఒక యాక్సిడెంట్‌లో గాయాలవ్వడంతో కొంతకాలం షూటింగ్‌కి దూరమయ్యాను. ఆ సమయంలో మిమల్ని ఎలా ఎంటర్టైన్‌ చేస్తానో అని ఆందోళన చెందాను. అందరి అభిమానంతో త్వరగా కోలుకొని మళ్లీ షూటింగ్‌కు హాజరయ్యారు. మొదటిసారి ఈ సినిమా కోసం పాట పాడాను. ఇందులో మీనాక్షి కామెడీ టైమింగ్‌ చూసి అందరూ ఆశ్చర్యపోతారు. రాబోయే సంక్రాంతి పండుగకు సందడి వాతావరణమే ఉంటుంది. థియేటర్‌లో నవ్వులే నవ్వులు’ అని అన్నారు.

మీనాక్షి చౌదరి మాట్లాడుతూ ‘ఈ సంక్రాంతి చాలా ప్రత్యేకం. ప్రభాస్‌గారి సినిమాతోపాటు, ‘అనగనగా ఒక రాజు’ వస్తున్నాడు. సంక్రాంతి అంటే భీమవరం అంటారు. అలాంటిది సంక్రాంతికి వస్తున్న మా సినిమాలో ‘భీమవరం బల్మా’ పాట ఉండటం, దానిని ఇక్కడ లాంచ్‌ చేయడం ప్రత్యేక అనుభూతి ఇస్తుంది. నవీన్‌తో కలిసి నటించడం ఆనందంగా ఉంది. సంక్రాంతికి థియేటర్లలో కలుద్దాం’ అన్నారు.