Allu Arjun: త్రివిక్రమ్ ని వదలని బన్నీ.. ఎన్టీఆర్ ని పక్కకు నెట్టేసి మరీ

అల్లు అర్జున్ (Allu Arjun) 'పుష్ప-ద రూల్'తో పలు రికార్డులు సృష్టించారు. ఆ సినిమా తరువాత బన్నీ నుండి ఎలాంటి మూవీ వస్తుందో అని ఫ్యాన్స్ ఆసక్తిగా ఎదురుచూస్తున్న సమయంలోనే తమిళ స్టార్ డైరెక్టర్ అట్లీ కుమార్ (Atlee Kumar) డైరెక్షన్ లో సన్ పిక్చర్స్ నిర్మించే భారీ చిత్రాన్ని అంగీకరించారు బన్నీ.

Allu Arjun: అల్లు అర్జున్ (Allu Arjun) 'పుష్ప-ద రూల్'తో పలు రికార్డులు సృష్టించారు. ఆ సినిమా తరువాత బన్నీ నుండి ఎలాంటి మూవీ వస్తుందో అని ఫ్యాన్స్ ఆసక్తిగా ఎదురుచూస్తున్న సమయంలోనే తమిళ స్టార్ డైరెక్టర్ అట్లీ కుమార్ (Atlee Kumar) డైరెక్షన్ లో సన్ పిక్చర్స్ నిర్మించే భారీ చిత్రాన్ని అంగీకరించారు బన్నీ. ఈ మూవీ ప్రస్తుతం షూటింగ్ జరుపుకుంటోంది. అత్యంత భారీగా తెరకెక్కుతోన్న ఈ చిత్రంలో పలువురు అందాల భామలు నటిస్తూ ఉండడం విశేషం. ఈ సినిమా బన్నీకి 22వ చిత్రం కాగా, అట్లీకి 6వ సినిమా అన్న సంగతి తెలిసిందే. సన్ పిక్చర్స్ సంస్థ నిర్మిస్తోన్న ఈ మూవీ సైన్స్ ఫిక్షన్ గా తెరకెక్కనుంది. హాలీవుడ్ టెక్నీషియన్స్ ఈ సినిమా కోసం పనిచేస్తూ ఉండడం మరింత విశేషం. ఈ మూవీ 2026లోనే వెలుగు చూస్తుందని ముందుగా వినిపించింది. అయితే హై టెక్నికల్ వేల్యూస్ తో రూపొందుతోన్న ఈ చిత్రాన్ని 2027లో విడుదల చేస్తారని తెలుస్తోంది.

ప్రస్తుతం అల్లు అర్జున్ నటిస్తోన్న సినిమా ప్రేక్షకుల ముందుకు రావడానికి మరో ఏడాదికి పైగా సమయం పడుతోంది. ఆ తరువాత బన్నీ నటించే చిత్రమేది అన్న ఆసక్తి కలగక మానదు. ఈ సినిమా కాగానే మరో రెండు చిత్రాల్లో అల్లు అర్జున్ నటించడానికి అంగీకరించారు. ఈ విషయాన్ని అల్లు అర్జున్ కు సన్నిహితుడైన బన్నీ వాస్ తెలిపారు. ఈ రెండు సినిమాల్లో ఒకటి 2026 జూలై ప్రాంతంలో ఆరంభం కానుంది. మరో చిత్రం 2027 మార్చిలో మొదలు కానుంది. మరి ఈ రెండు సినిమాల్లో ఏది ఎప్పుడు ఎలా పట్టాలెక్కనుందో అధికారికంగా నిర్మాతలు ప్రకటించ వలసి ఉంది.

బన్నీ అంగీకరించిన కొత్త సినిమాల్లో ఒకటి త్రివిక్రమ్ డైరెక్షన్ లో హారికా అండ్ హాసినీ సంస్థ నిర్మించే పౌరాణిక చిత్రం అని తెలుస్తోంది. గతంలో ఈ కాంబోలోనే మైథలాజికల్ మూవీ అని వినిపించింది. తరువాత బన్నీ- అట్లీతో వెళ్ళడం వల్ల ఆ పౌరాణిక చిత్రం జూనియర్ యన్టీఆర్ ను వెదుక్కుంటూ వెళ్ళిందని అన్నారు. కానీ, ఇప్పుడు అది మళ్ళీ బన్నీ చెంతకే చేరడం విశేషం. ఎన్టీఆర్ ని పక్కకు నెట్టి మరీ ఆ ప్రాజెక్ట్ ని మళ్లీ దక్కించుకున్నాడు బన్నీ.

ఇక మరో మూవీ ఏదంటే బన్నీకి అనూహ్య విజయాలను అందించిన 'పుష్ప' సిరీస్ లో మూడో భాగంగా రానున్న 'పుష్ప- ద ర్యాంపేజ్' అని సమాచారం. ఏది ఏమైనా బన్నీ లైనప్ చూసి ఆయన అభిమానులు ఆనందంతో చిందులు వేస్తున్నారు. రాబోయే అల్లు అర్జున్ చిత్రాలన్నీ అలరిస్తాయని ఫ్యాన్స్ ఆశిస్తున్నారు. ఏ మూవీతో ఏ తీరున బన్నీ ఫ్యాన్స్ కు పరమానందం పంచుతారో చూద్దాం.