Allu Aravind: నాకంటూ ఓ స్దాయి ఉంది.. నేను మాట్ల‌డ‌ను! బండ్ల‌న్న‌కు.. అల్లు అర‌వింద్‌ అదిరిపోయే కౌంట‌ర్

‘ది గర్ల్‌ఫ్రెండ్‌’ ఈవెంట్‌లో బండ్ల గ‌ణేశ్‌కు.. అదిరిపోయే కౌంట‌ర్ ఇచ్చాడు ప్ర‌ముఖ నిర్మాత‌ అల్లు అర‌వింద్.

రాహుల్ రవీంద్రన్ (Rahul Ravindran) దర్శకత్వంలో, రష్మిక మందన్నా (Rashmika Mandanna) ప్రధాన పాత్రలో రూపొందిన ‘ది గర్ల్‌ఫ్రెండ్‌’ (The Girlfriend ) నవంబర్‌ 7న విడుదల కానుంది. అల్లు అర‌వింద్ (Allu Aravind) గీతా ఆర్ట్స్ (Geetha Arts) బ్యాన‌ర్‌పై వ‌స్తున్న ఈ చిత్రం ట్రైలర్‌ నుంచి మంచి హైప్‌ క్రియేట్ చేయ‌డంతో సినిమాపై ప్రేక్షకులలో భారీ అంచనాలు ఉన్నాయి. సినిమా విడుద‌ల‌కు మ‌రో రెండు రోజుల స‌మ‌యం మాత్రమే ఉన్న నేప‌థ్యంలో తాజాగా బుధ‌వారం మీడియా స‌మావేశం నిర్వ‌హించారు.

ఈ సంద‌ర్భంగా.. అల్లు అర‌వింద్ మాట్లాడుతూ.. ప‌లు ఆస‌క్తిక‌ర అంశాలు పంచుకున్నారు. ఆయ‌న మాట్లాడుతూ.. నేను చాలా సినిమాలు తీశాను, డబ్బులు సంపాదించాను. కానీ ‘ది గర్ల్‌ఫ్రెండ్‌’ మాత్రం తృప్తికోసం తీశాను” అంటూ ఆయన అన్నారు. 2021లో ఈ కథ విన్నప్పటి నుంచి సినిమా తీయాలని ఎదురుచూశాను. సమాజానికి బోల్డ్‌గా కొన్ని విషయాలు చెప్పాలనిపించింది. అందుకే ఈ సినిమా చేశాము. ఇది చాలా సున్నితమైన సబ్జెక్ట్‌. ప్రతి యువకుడు, యువతి తప్పకుండా చూడాల్సిన సినిమా ఇది.” అని అన్నారు.

ఇందులో ఎన్ని పాట‌లు ఉన్నాయి, ఎన్ని ఫైటింగ్‌లు ఉన్నాయి, ఏం పంచ్‌లు ఉన్నాయ‌నేది ఈ సినిమాకు వ‌ర్తించ‌ద‌ని, “మన ఇంట్లో ఆడవాళ్ల మనస్సుల్లో ఏమి కోరికలు, భావోద్వేగాలు ఉంటాయో ఈ సినిమా చూపిస్తుంది. కథ అతి సున్నితంగా మొదలై, అతి ఘాటుగా ముగుస్తుంది. చూసిన వారు ఈ సినిమాను మర్చిపోలేరు… ఈ కథ వెంటాడుతుంది. ‘ది గర్ల్‌ఫ్రెండ్‌’ కి తక్కువ రేటింగ్ ఇవ్వలేరు అంత సంతృప్తికరంగా ఉంటుంది సినిమా అని స్ప‌ష్టం చేశారు. ప్ర‌స్తుతం అల్లు అర‌వింద్ కూడా ముందుకు వ‌చ్చి చెప్పిన ఈ మాట‌లు ఇప్పుడు సినిమాపై మ‌రింత బ‌జ్‌ తీసుకొచ్చేలా ఉన్నాయి.

ఇదిలా ఉంటే.. ఓ విలేఖ‌రి ఇటీవ‌ల బండ్ల గణేష్ చేసిన కామెంట్స్ గురించి మాట్లాడాలి అని అడ‌గ‌గా.. నేను ఆయ‌న గురించి మాట్లాడ‌ను నాకంటూ ఓ స్దాయి ఉంది అంటూ కౌంట‌ర్ ఇచ్చారు.