Suriya: సీనియర్ నటుడు శివకుమార్ కు గౌరవ డాక్టరేట్...

సీనియర్ నటుడు, చిత్రకారుడు శివకుమార్ ను జయలలిత మ్యూజిక్ అండ్ ఫైన్ ఆర్ట్స్ యూనివర్సిటీ గౌరవ డాక్టరేట్ తో సత్కరించింది. సూర్య, కార్తీ తండ్రి అయిన శివకుమార్ తమిళనాడు సీఎం స్టాలిన్ చేతుల మీదుగా పట్టాను అందుకున్నారు.

ప్రముఖ తమిళ నటులు సూర్య (Suriya), కార్తి (Karthi) తండ్రి శివకుమార్ (Siva Kumar) కూడా గొప్ప నటుడే. ఆయన తమిళంలో దాదాపు 175 చిత్రాలలో నటించారు. ఆయన హీరోగా నటించిన పలు చిత్రాలు తెలుగులో రీమేక్ కాగా కృష్ణ, చంద్రమోహన్ వాటిల్లో నటించారు. టీవీ సీరియల్స్ లోనూ నటించి గుర్తింపు తెచ్చుకున్న శివకుమార్ ను ఇటీవల జె. జయలలిత మ్యూజిక్ అండ్ ఫైన్ ఆర్ట్స్ యూనివర్సిటీ (J. Jayalalithaa Music and Fine Arts University) గౌరవ డాక్టరేట్ తో సత్కరించింది. కథా రంగానికి ఆయన చేసి సేవకు గానూ లఫ్ టైమ్ అఛీవ్ మెంట్ అవార్డునూ తమిళనాడు ముఖ్యమంత్రి ఎం.కె. స్టాలిన్ (M.K. Stalin) అందించారు.

చిన్నప్పుడే తండ్రిని కోల్పోయిన తనకు చిత్రకారుడు కావాలనే కోరిక ఉండేదని, ఎంతో కష్టపడి చిత్ర రంగంలో నైపుణ్యాన్ని సంపాదించానని, అయితే అందులో భవిష్యత్తు కనిపించకపోవడంతో నటుడిగా మారానని శివకుమార్ చెప్పారు. తన ముందు తరం నటులైన ఎంజీఆర్, శివాజీ గణేశన్ స్ఫూర్తితో తాను సాగానని, అయితే తన తర్వాత వచ్చిన రజనీకాంత్, కమల్ హాసన్ తరహాలో స్టార్ ను కాలేనని నిదానంగా అర్థమౌందని శివకుమార్ చెప్పారు. అందుకే నటనతో పాటు వ్యక్తిత్వ వికాస ప్రసంగాల వైపు మళ్లానని, ఎంతోమంది యువతకు తన ఉపన్యాసాల ద్వారా స్ఫూర్తిని నింపానని అన్నారు. శివకుమార్ కంబ రామాయణంపై పి.హెచ్.డి. చేశారు. అలా సాహిత్య రంగంలోనూ తనదైన ముద్రను వేశారు. ఆయన కొడుకులైన సూర్య, కార్తి సైతం తండ్రి ఆదర్శాలను కొనసాగిస్తూ ముందుకు సాగుతున్నారు. ముఖ్యంగా పిల్లలకు విద్యాదానం చేస్తూ... వారిని ఉన్నత పౌరులుగా తమ ట్రస్ట్ ద్వారా తీర్చిదిద్దే పనిలో భాగమయ్యారు. తన తండ్రి శివ కుమార్ కు గౌరవ డాక్టరేట్ లభించడం పట్ల కార్తీ హర్షం వ్యక్తం చేశారు.

Also Read: Kallara Sarasamma: సీనియ‌ర్ హీరోయిన్స్‌ అంబిక, రాధలకు.. మాతృవియోగం

Also Read: Rajinikanth: వంద జన్మలైనా రజనీగానే పుట్టాలి