Shruti Haasan: రెండు బ్రేకప్స్.. పెళ్లంటే భయమేస్తుందన్న వారసురాలు

లోక నాయకుడు కమల్ హాసన్(Kamal Haasan)) నట వారసురాలిగా ఇండస్ట్రీకి పరిచయమైంది శృతి (Shruti Haasan)హాసన్.

Shruti Haasan: లోక నాయకుడు కమల్ హాసన్(Kamal Haasan)) నట వారసురాలిగా ఇండస్ట్రీకి పరిచయమైంది శృతి (Shruti Haasan)హాసన్. సింగర్, మ్యూజిక్ కంపోజర్ గా కెరీర్ ను ప్రారంభించిన శృతి.. అనగనగా ఒక ధీరుడు అనే సినిమాతో తెలుగులో ఎంట్రీ ఇచ్చింది. మొదటి సినిమాతోనే మంచి విజయాన్ని అందుకుంటుంది అనుకున్నారు కానీ, అమ్మడు వరుస పరాజయాలను అందుకొని ఐరెన్ లెగ్ గా ముద్ర వేయించుకుంది. అయినా పట్టువదలకుండా కష్టపడి గబ్బర్ సింగ్ సినిమాతో భారీ విజయాన్ని అందుకొని స్టార్ హీరోయిన్ గా మారింది. ఆ తరువాత తెలుగు, తమిళ్, హిందీ భాషల్లో స్టార్ హీరోల సరసన నటిస్తూ నెంబర్ వన్ హీరోయిన్ గా ఎదిగింది.

అన్ని మనం అనుకున్నట్లు జరిగితే అది లైఫ్ ఎందుకు అవుతుంది అన్నట్లు కెరీర్ పీక్స్ లో ఉన్నప్పుడే శృతి ప్రేమ అనే మాయలో పడింది. లండన్ యాక్టర్ మైఖేల్ కోర్సలేతో పీకల్లోతు ప్రేమలో పడింది. ఇక వీరిద్దరూ చెట్టాపట్టాలేసుకొని అన్నిచోట్లా కెమెరా కంటికి కనిపించారు. త్వరలోనే ఈ జంట పెళ్లి చేసుకుంటుంది అనుకొనేలోపు ఇద్దరు బ్రేకప్ చెప్పుకొని విడిపోయారు. ఈ బ్రేకప్ శృతిని ఎంతగా కృంగదీసింది అంటే.. సినిమాలు కూడా వదిలేసి డిప్రెషన్ లోకి వెళ్ళిపోయింది. ఆ తరువాత ఆ డిప్రెషన్ లో నుంచి ఆమెను బయటకు తీసుకొచ్చాడు విజువల్ ఆర్టిస్ట్ శంతను హజారికా.

ఇక శృతి- శంతను జంట గురించి తెలియని వారుండరు. ఎక్కడ ఫంక్షన్ జరిగినా ఈ జంట అక్కడ ఉండాల్సిందే. ముఖ్యంగా తమిళ్ పండగలప్పుడు అయితే శృతి హంగామా చూడాలి. శంతనుకు చక్కగా పట్టు వస్త్రాలు ధరింపజేసి.. తమిళ్ ఫుడ్ తినిపిస్తూ ఫోటోలు కూడా పోస్ట్ చేసింది. ఇంకేముంది.. దీంతో ఈ జంట త్వరలోనే వివాహం చేసుకుంటారు అని కోలీవుడ్ కోడై కూసింది. కమల్ హాసన్ సైతం శంతను తనకు కాబోయే అల్లుడు అని కూడా ప్రకటించాడు. కానీ ఇది కూడా మూడు నాళ్ల ముచ్చటగానే మారింది. గతేడాది వీరిద్దరూ అధికారికంగా విడిపోయినట్లు ప్రకటించారు.

ప్రస్తుతం శృతి ప్రేమ, పెళ్లి అనే ఆలోచన లేకుండా కెరీర్ మీద ఫోకస్ చేస్తుంది. తాజాగా ఆమె కూలీ సినిమాలో నటిస్తోంది. ఇక ఇవన్నీ పక్కన పెడితే తాజాగా ఒక ఇంటర్వ్యూలో శృతి పెళ్లి గురించి సంచలన వ్యాఖ్యలు చేసింది. పెళ్లి చేసుకోవాలంటేనే భయమేస్తుందని చెప్పుకొచ్చింది. ' నాకంటూ ఒక ప్రత్యేకమైన గుర్తింపును తెచ్చుకోవడం కోసం నేనెంతో కష్టపడ్డాను. కానీ, ఆ బాధ్యతలను ఒక చిన్న కాగితం మీద పెట్టాలంటే భయమేస్తుంది. పెళ్లి చేసుకోవాలని లేదు. పెళ్లి చేసుకొని తల్లిఅయ్యాకా.. విడిపోయి ఒక సింగిల్ మదర్ గా ఉండాలనుకోవడం లేదు. ఎందుకంటే సింగిల్ మదర్ కష్టాలు నాకు తెలుసు. నా లైఫ్ లో ఒకసారి పెళ్లి దగ్గరవరకు వెళ్లి వచ్చాను. చేసుకోవాలనుకున్నాను. కానీ, ముడిపడలేదు.

పెళ్లి అనేది ఇద్దరు మనుషులకు సంబంధించిన విషయం కాదు. రెండు జీవితాల బాధ్యత. ఇద్దరిలోనూ విధేయత ఉండాలి. నిబద్దత ఉండాలి. ఒకరిలో ఉంటే అది నిలవదు. ఒంటరిగా ఉండడం నాకు కొత్తేమి కాదు. ఎన్నో విషయాలను ఒంటరిగా ఉన్నప్పుడే నేర్చుకున్నాను' అంటూ చెప్పుకొచ్చింది. రెండు సార్లు ప్రేమ విఫలమయ్యాక శృతి ఇలా మాట్లాడడంలో తప్పు లేదు అని చెప్పొచ్చు. అయితే శృతి లైఫ్ మొత్తం ఇలానే ఉంటుందా.. ? మధ్యలో ఇంకో ప్రేమను వెతుక్కుంటూ వెళ్తుందా.. ? అనేది తెలియాల్సి ఉంది.

Prabhas: డార్లింగ్.. లుక్ తోనే చంపేస్తున్నాడుగా