Thug Life: థగ్లైఫ్.. మణిరత్నం క్షమాపణ చెప్పలేదు
ABN, Publish Date - Jun 27 , 2025 | 10:07 AM
థగ్లైఫ్ సినిమా ఫెయిల్యూర్‌కు మణిరత్నం ప్రేక్షకులకు క్షమాపణ లు చెప్పినట్టు జరుగుతున్న ప్రచారంపై మ ద్రాస్‌ టాకీస్ స్పందించింది.
ఇటీవ‌ల ఎన్నో అంచ‌నాల న‌డుమ ప్రేక్ష‌కుల మ‌ధ్య‌కు వ‌చ్చి డిజాస్ట‌ర్‌గా నిల‌వ‌డ‌మే కాక తీవ్ర స్థాయిలో విమ‌ర్శ‌లు ఎదుర్కొన్న చిత్రం థగ్లైఫ్ (Thug Life). అయితే ఈ సినిమా ఫెయిల్యూర్‌కు ఆ చిత్ర దర్శకుడు మణిరత్నం (Manirathnam) ప్రేక్షకులకు క్షమాపణ లు చెప్పినట్టు జరుగుతున్న ప్రచారంపై మ ద్రాస్‌ టాకీస్ (Madras Talkies) స్పందించింది. చిత్ర దర్శకుడు మణిరత్నం ప్రేక్షకులకు సారీ చెప్పినట్టుగా అసత్య ప్రచారం చేయొద్దని కోరింది.
‘ఈ సినిమా చూసిన ప్రేక్షకులు తీవ్ర నిరాశకు లోనయ్యారని, దీంతో అభిమానులకు మణిరత్నం (Manirathnam) సారీ చెప్పినట్టుగా సోషల్‌ మీడియాలో విస్తృతంగా ప్రచారం సాగుతోంది. ఈ వార్తలకు సంబంధించిన స్క్రీన్‌షాట్‌లను షేర్‌ చేస్తున్నారు. నిజానికి మణిరత్నం ఎవరికీ క్షమాపణ చెప్పలేదు. ఆ సినిమా అభిమానులను సంతృప్తి పరచలేదని, అందుకే ఆయన సారీ చెప్పినట్టుగా సాగుతున్న ప్రచారం అబద్దమని మద్రాస్‌ టాకీస్ స్పష్టం చేసింది.
కాగా, రాజ్‌ కమల్‌ ఫిల్మ్‌ ఇంటర్నేషనల్‌, మద్రాస్‌ టాకీస్, రెడ్‌ జెయింట్‌ మూవీస్‌ కలిసి ఈ చిత్రాన్ని భారీ బడ్జెట్‌తో తెరకెక్కించాయి. కమల్‌ హాసన్ (Kamal Haasan), శింబు (Silambarasan), నాజర్‌, త్రిష (Trisha), అభిరామి వంటి అగ్రతారాగణం నటించగా, ఏఆర్‌.రెహ్మాన్ (AR Rahman) సంగీతం. జూన్‌ 5వ తేదీన విడుదలైంది.