Kantara Chapter1: కాంతారా.. విల‌న్ 'కుల‌శేఖ‌ర' వ‌చ్చాడు

మూడేండ్ల క్రితం వ‌చ్చిన కాంతార వంటి బ్లాక్ బ‌స్ట‌ర్ హిట్ చిత్రం త‌ర్వాత క‌న్న‌డ అగ్ర న‌టుడు రిష‌బ్ షెట్టి (Rishab Shetty) న‌టిస్తూ ద‌ర్శ‌క‌త్వం వ‌హించిన చిత్రం కాంతారా చాఫ్ట‌ర్ 1 (Kantara chapter-1). దాదాపు అన్ని కార్య‌క్ర‌మాలు పూర్తి చేసుకున్న ఈ సినిమా మ‌రో రెండు నెల‌ల్లో దీపావ‌ళి ప‌ర్వ‌దినాన్ని పుర‌స్క‌రించుకుని ధియేట‌ర్ల‌లో విడుద‌ల‌కు ముస్తాబ‌వుతుంది. ఈ నేప‌థ్యంలో మేక‌ర్స్ వారం ప‌ది రోజుల‌కొక‌టి చొప్పున సినిమాలో ప్ర‌ధాన పాత్ర‌లు పోషించిన వారి లుక్స్ రిలీజ్ చేస్తూ సినిమాపై క్యూరియాసిటీని పెంచుతూ వ‌స్తున్నారు.

ఈ క్ర‌మంలో ఇప్ప‌టికే ఈ సినిమా నుంచి గ‌త వారం ఈ చిత్రంలో క‌న‌క‌వ‌తిగా చేస్తోన్న‌ క‌థానాయిక‌ రుక్మిణీ వ‌సంత్ (Rukmini) లుక్, మూవీ బముకింగ్ వీడియో రిలీజ్ చేశారు. తాజాగా ఈ రోజు (మంగ‌ళ‌వారం) ప్ర‌తినాయ‌కుడు రాజా కుల శేఖ‌ర్ పాత్ర‌లో న‌టించిన బాలీవుడ్ యాక్ట‌ర్ గుల్ష‌న్ దేవ‌య్య (Gulshan Devaiah) పాత్ర‌ను రివీల్ చేశారు. ఈ చిత్రంతో గుల్ష‌న్ క‌న్న‌డ చిత్ర‌సీమ‌లోకి ఎంట్రీ ఇస్తుండడం విశేషం.