Aaryan OTT: ఓటీటీకి.. అదిరిపోయే సీట్ ఎడ్జ్ థ్రిల్ల‌ర్‌! చనిపోయిన వ్యక్తి .. హత్యలు చేస్తుంటే!

హీరో విష్ణు విశాల్ (Vishnu Vishal) ప్రధాన పాత్రలో తెరకెక్కి తమిళంలో మంచి విజయాన్ని అందుకున్న‌ ఇన్వెస్టిగేటివ్ థ్రిల్లర్ ఆర్యన్ డిజిట‌ల్ స్ట్రీమింగ్‌కు వ‌చ్చేసింది.

హీరో విష్ణు విశాల్ (Vishnu Vishal) ప్రధాన పాత్రలో తెరకెక్కిన ఇన్వెస్టిగేటివ్ థ్రిల్లర్ ఆర్యన్ (Aaryan). తమిళంలో మంచి విజయాన్ని అందుకుంది. ప్రవీణ్ కె (Praveen) దర్శకత్వంలో శ్రద్ద శ్రీనాథ్ (Sradda Srinath), తెలుగ‌మ్మాయి మానస చౌదరి (Maanasa Choudhary) కథానాయికలుగా నటించిన‌ ఈ చిత్రం తర్వాత వారం రోజుల్లోనే తెలుగులో రిలీజ్ అయినా సరైన ప్రమోషన్ల లేమితో జ‌నాల‌కు పెద్దగా రీచ్ కాలేకపోయింది. ఇప్పుడీ చిత్రం డిజిటల్ స్ట్రీమింగ్‌కు వ‌చ్చేసింది.

తన ప్రతిభను ఎవ‌రూ స‌రిగ్గా గుర్తించడం లేద‌ని నిరాశ చెందిన రచయిత ఆత్రేయ (సెల్వరాఘవన్) ఓ రోజు స‌డ‌న్‌గా ఒక న్యూస్ ఛాన‌ల్‌ స్టూడియోను త‌న అధీనంలోకి తీసుకుంటాడు. తాను ఐదుగురిని హత్య చేయబోతున్నానని, ముందుగా తనని తానే చంపుకుంటానని ప్రకటించి ఛాన‌ల్ ప్రత్యక్ష ప్రసారంలో అంద‌రూ చూస్తుండ‌గానే తుపాకీతో కాల్చుకుని చ‌నిపోతాడు. ఆపై ఆత్రేయ మరణించిన తర్వాత వరుసగా ఐదు రోజులు అఐదుగురు వ్యక్తులు హత్యకు గురవుతారు. దీంతో సంక్షిస్ట‌మైన ఈ కేసు బాధ్యత నంది (విష్ణు విశాల్) అనే సిన్సియ‌ర్‌ పోలీస్ అధికారికి అప్పగించబడుతుంది.

ఈ నేప‌థ్యంలో అల్రేడీ సూసైడ్ చేసుకున్న వ్య‌క్తి ప్రాణాలతో ఉన్న వారిని ఎలా చంపగలిగాడు?, వారే ఎందుకు టార్గెట్ అయ్యారు?. ఆత్రేయ రాసిన ‘ఆర్యన్’ పుస్తకం వెనుకున్న నిజం ఏమిటి? పోలీసులు చివరి హత్యను అడ్డుకోగలిగారా? లేదా అనే సీట్ ఎడ్జ్ థ్రిల్‌ ఇచ్చే పకడ్బందీ క‌థ‌క‌థ‌నాల‌తో సినిమా సాగుతుంది. ఇప్పుడీ సినిమా నెట్‌ఫ్లిక్స్ (Netflix) ఓటీటీలో త‌మిళంతో పాటు తెలుగు ఇత‌ర భాష‌ల్లో స్ట్రీమింగ్ అవుతుంది. థియేట‌ర్ల‌లో మిస్స‌యిన వారు, మంచి థ్రిల్ల‌ర్ సినిమాలు ఇష్ట‌ప‌డేవారు త‌ప్ప‌క చూడాల్సిన సినిమా ఇది.