Vijayendra Prasad: శ్రీలేఖ స్వరపర్చి పాడిన 'మా చిన్ని శివ'...
ABN , Publish Date - Nov 17 , 2025 | 01:11 PM
ప్రముఖ సంగీత దర్శకురాలు శ్రీలేఖ స్వరపర్చి పాడిన 'మా చిన్ని శివ' గీతం విడుదలైంది. భారతీబాబు రాసిన ఈ పాటను స్టార్ రైటర్ విజయేంద్ర ప్రసాద్ ఆవిష్కరించారు.
ప్రముఖ సంగీత దర్శకురాలు ఎంఎం శ్రీలేఖ (MM Srilekha) స్వరపర్చి పాడిన 'మా చిన్ని శివ' (Ma Chinni Shiva) డివోషనల్ వీడియో సాంగ్ లాంఛ్ ఈవెంట్ ఆదివారం హైదరాబాద్ లో ఘనంగా జరిగింది. ఈ కార్యక్రమంలో ప్రముఖ రచయిత విజయేంద్రప్రసాద్ (Vijayendra Prasad) ముఖ్య అతిథిగా పాల్గొని 'మా చిన్ని శివ సాంగ్'ను విడుదల చేశారు. ఈ పాటను జి. మణి లక్ష్మణరావు ప్రొడ్యూస్ చేశారు. భారతీ బాబు లిరిక్స్ అందించగా శ్రీరామ్ కంగటాల డీవోపీ, ఎడిటింగ్ తో పాటు దర్శకత్వ బాధ్యతలు వహించారు. ఈ కార్యక్రమంలో ప్రొడ్యూసర్ జి. మణి లక్ష్మణరావు మాట్లాడుతూ, 'ఈ రోజు 'మా చిన్ని శివ' డివోషనల్ సాంగ్ లాంఛ్ చేసేందుకు అతిథిగా వచ్చిన విజయేంద్రప్రసాద్ గారికి థ్యాంక్స్. అద్భుతమైన ట్యూన్ మ్యూజిక్ కంపోజ్ చేసి ఎంఎం శ్రీలేఖ ఈ పాటను పాడారు. ఈ పాటను మీరంతా విని భక్తితో పరవశిస్తారని ఆశిస్తున్నాను' అని అన్నారు.
ఎంఎం శ్రీలేఖ మాట్లాడుతూ, 'నేను గతంలో శివుడి డివోషనల్ సాంగ్స్ చేశాను. శివుడి పాటలు వైబ్రెంట్ గా మంచి సౌండింగ్ తో ఉంటాయి. ప్రొడ్యూసర్ మణి లక్ష్మణరావు గారు ఈ పాట కోసం డిఫరెంట్ కాన్సెప్ట్ ఆలోచించి చెప్పినప్పుడు కొత్తగా అనిపించింది. ఒక తల్లి కనిపించని తన కొడుకుని శివుడిగా భావించి అతన్ని వెతుకుతూ వెళ్తుంది. శివుడు ఆ సమయంలో ఎలా విశ్వరూపం చూపించాడనే బ్యూటిఫుల్ కాన్సెప్ట్ తో ఈ పాటను డిజైన్ చేశారు. ఈ పాటను ఎక్కడా కాంప్రమైజ్ కాకుండా వివిధ లొకేషన్స్ లో నిర్మించారు. అలాగే ప్రమోట్ చేస్తున్నారు. నా పాటలు కొన్ని గతంలో బాగున్నా, అవి సరైన ప్రమోషన్ లేక ప్రేక్షకులకు రీచ్ కాలేదు. ఈ పాటను కంపోజ్ చేసి పాడాను. మా చిన్నాన్న విజయేంద్రప్రసాద్ గారితో ఈ పాటను లాంఛ్ చేయించడం ఆనందంగా ఉంది' అని తెలిపారు. విజయేంద్రప్రసాద్ మాట్లాడుతూ, 'ఈ పాటకు బాగా కంపోజ్ చేశారు. శ్రీలేఖ బ్యూటిపుల్ గా పాడింది. మనసు పెట్టి భారతీ బాబు పాటకు సాహిత్యం అందించారు. మీ పిల్లాడు ఎక్కడా తప్పిపోలేదు. మా మహేశ్ బాబు 'వారణాసి' సినిమా ఈవెంట్ కు వచ్చాడు. ఈ విషయం రాజమౌళిని, ప్రియాంక చోప్రాను అడిగినా చెబుతారు. 'మా చిన్ని శివ' పాట టీమ్ అందరికీ నా ఆశీర్వాదాలు అందజేస్తున్నాను' అని అన్నారు.
గీతరచయిత భారతి బాబు మాట్లాడుతూ, 'విజయేంద్రప్రసాద్ మా గురువు గారు. ఆయన మూవీస్ కు సాంగ్స్ రాశాను. ఎంఎం శ్రీలేఖ స్వరపర్చిన ఎన్నో సాంగ్స్ కు లిరిక్స్ అందించాను. 'మా చిన్ని శివ' సాంగ్ మీలో మరింతగా భక్తి శ్రద్ధలు పెంచుతుందని ఆశిస్తున్నాను' అని చెప్పారు. 'మా చిన్ని శివ వీడియో సాంగ్ లో నటించడం అదృష్టంగా భావిస్తున్నానని నటి ప్రియ జాస్పర్ తెలిపారు. డైరెక్టర్ రామ్ గణపతి మాట్లాడుతూ, 'నేను గతంలో 'రాజయోగం' అనే మూవీని డైరెక్ట్ చేశాను. ప్రొడ్యూసర్ జి. మణి లక్ష్మణరావు గారు అమ్మవారి ఉపాసకులు. నవబాల యూట్యూబ్ ఛానెల్ ద్వారా ఎంతోమందికి భక్తిమార్గం సూచిస్తున్నారు. ఆయన ప్రతి సంవత్సరం సాంగ్ వీడియోస్ చేయాలనుకుంటారు. ఈ క్రమంలోనే 'మా చిన్ని శివ' అనే మంచి డివోషనల్ సాంగ్ చేశారు. ఈ పాటకు కొంతవరకు పిక్చరైజేషన్ నేనూ చేశాను. ఈ సాంగ్ డైరెక్టర్ శ్రీరామ్ కంగటాల మరో చోట ఉండిపోయి రాలేకపోయారు' అని అన్నారు.
Also Read: Nandamuri Balakrishna: 'అఖండ -2' నుండి అదిరిపోయే డాన్స్ నంబర్... ఎప్పుడంటే...
Also Read: Thiruveer: తిరువీర్.. కొత్త సినిమా షురూ