Mission Santa: 'మహావతార్ నరసింహ' బాటలో 'మిషన్ సాంటా'
ABN, Publish Date - Dec 22 , 2025 | 03:19 PM
ఇండియన్ యానిమేషన్ సంస్థ రూపొందించిన 'మహావతార్ నరసింహా' ఘన విజయం సాధించిన నేపథ్యంలో ఇప్పుడు మరో ఇండియన్ యానిమేషన్ మూవీ 'మిషన్ సాంటా' విడుదల కాబోతోంది.
ఇటీవల యానిమేషన్ ఫిలింగా రూపొంది భారతదేశంలో విశేష ఆదరణ పొందిన 'మహావతార్ నరసింహా' (Mahavatar Narasimha) సినిమా గురించి అందరికి తెలిసిందే. ఇప్పుడు తాజాగా మరో యానిమేషన్ ఫీచర్ ఫిలిం రిలీజ్ కాబోతుంది. అంతర్జాతీయ ప్రమాణాలతో రూపొందిన ఈ భారీ యానిమేటెడ్ ఫిలిం 'మిషన్ సాంటా' (Mission Santa). ఈ అత్యుత్తమ యానిమేషన్ ఫీచర్ ఫిలిం ఈ నెల 25న కిస్మస్ కానుకగా భారత్తో పాటు ఫ్రాన్స్, జర్మనీ తదితర దేశాల్లో ఒకేసారి థియేటర్లో సందడి చేయబోతుంది.
'కుటుంబ సమేతంగా చూడదగ్గ కథతో రూపొందిన హై ఎనర్జీ యానిమేటెడ్ అడ్వెంచర్ చిత్రం 'మిషన్ సాంటా' అని, దీని యానిమేషన్ క్వాలిటీ, సినిమాలో ఉండే ఎమోషన్స్, ఎంటర్టైన్మెంట్, అడ్వెంచరస్ అన్ని ప్రేక్షకులకు ఓ అద్బుతమైన సినిమాను చూసిన ఫీలింగ్ను, ఎక్స్పీరియన్స్ను ఇవ్వబోతోంద'ని మేకర్స్ తెలిపారు. అన్ని తరగతుల ప్రేక్షకులు ఈ సినిమాను చూసి ఎంజాయ్ చేస్తారని, ముఖ్యంగా చిన్నారులు, తల్లిదండ్రులు, తాత ముత్తాలు అందరూ కలిసి వెండితెరపై చూడదగ్గ ఫ్యామిలీ ఎంటర్టైనర్ ఇద'ని వారన్నారు.
'మిషన్ సాంటా' భారతీయ యానిమేషన్ రంగానికి ఓ కీలక మైలురాయిగా నిలుస్తుందని, ఈ చిత్రానికి సంబంధించిన కథ, స్క్రిప్ట్, పాత్రల డిజైన్ లాస్ ఏంజిల్స్లో డెవలప్ చేశామని, పూర్తి యానిమేషన్ ప్రొడక్షన్ భారత్లో భారతీయ సీనియర్ యానిమేషన్ నిపుణుల పర్యవేక్షణలో జరిగిందని, సుమారు 20 నెలల పాటు 150కి పైగా భారతీయ యానిమేషన్ నిపుణులు ఈ చిత్ర నిర్మాణంలో పాల్గొన్నారని మేకర్స్ తెలిపారు. ఇంగ్లీష్ భాషలో విడుదలవుతున్న ఈ చిత్రం ప్రేక్షకులకు ఓ ప్రీమియం యానిమేటెడ్ థియేట్రికల్ అనుభవాన్ని అందించనుందని మేకర్స్ చెప్పారు. ఈ చిత్రాన్ని నిర్మించిన బ్రాడ్విజన్ ఇండియా, స్టూడియో 56, భారతీయ యానిమేషన్ను కేవలం సేవల స్థాయి నుంచి క్రియేటివ్గా, వాణిజ్యపరంగా అంతర్జాతీయ స్థాయికి తీసుకెళ్లాలనే లక్ష్యంతో ఈ ప్రాజెక్ట్ను రూపొందించాయి.