Kannappa: మంచు.. విష్ణు క‌న్న‌ప్ప ఎలా ఉందంటే! ట్విట్ట‌ర్ రివ్యూ
ABN, Publish Date - Jun 27 , 2025 | 07:05 AM
క‌న్న‌ప్ప చిత్రం అన్ని అవాంత‌రాల‌ను దాటుకుని ఎట్ట‌కేల‌కు థియేట‌ర్ల‌లోకి వ‌చ్చేసింది. ఇప్ప‌టికే విదేశాల‌లో ఇప్ప‌టికే సినిమా షోలు ప‌డిపోయాయు.
మంచు విష్ణు (Manchu Vishnu) డ్రీమ్ ప్రాజెక్ట్.. ఇండియ‌న్ సూప‌ర్ స్టార్స్ అక్ష‌య్ కుమార్‌, ప్రభాస్, మోహాన్ లాల్ వంటి మ‌హా మ‌హులు న‌టించిన క‌న్న‌ప్ప (Kannappa) చిత్రం అన్ని అవాంత‌రాల‌ను దాటుకుని ఎట్ట‌కేల‌కు థియేట‌ర్ల‌లోకి వ‌చ్చేసింది. ఇప్ప‌టికే విదేశాల‌లో ఇప్ప‌టికే సినిమా షోలు ప‌డిపోయాయు. మ‌న ద‌గ్గ‌ర కూడా కొన్ని ప్రాంతాల‌లో ప్రీమియ‌ర్లు వేయ‌డంతో చాలా మంది సినిమా చూసి క్ష‌ణం గ్యాప్ ఇవ్వ‌కుండా వెనువెంట‌నే త‌మ త‌మ సోష‌ల్ మీడియాలో త‌మ అభిప్రాయాల‌ను వ్య‌క్తం చేస్తూ సినిమా ఎలా ఉంది, న‌టీన‌టులు ఎలా చేశార‌నే అంశాల‌ను తెలుపుతూ పోస్టులు పెడుతున్నారు. ఈ నేప‌థ్యంలో మ‌రి వీక్ష‌కులు ఎలాంటి రిపోర్టులు ఇచ్చారో, ఇస్తున్నారో Kanappa Review ఇక్క‌డ చూద్దాం.
సినిమా ఆరంభ‌మ‌మే శివ పార్వ‌తుల మీద ప్రారంభ‌మై, తిన్న‌డు, అక్క‌డి గ్రామాలు, గ్రూపుల గురించి చూయించార‌ని పేర్కొంటున్నారు. ప్ర‌తీ ప్రేమ్ విజువ‌ల్‌గా, టెక్నిక‌ల్‌గా అద్బుతంగా తీర్చిదిద్దార‌ని, అంటున్నారు. అంతేగాక ఫ‌స్టాప్‌లో అనేక క్యారెక్ట‌ర్ల ప‌రిచ‌యం, మోహ‌న్ లాల్, మోహ‌న్ బాబుల పాత్ర‌లు ఆక‌ట్టుకుంటాయ‌ని చెబుతున్నారు. సెకండాఫ్‌లో ప్రభాస్ ఎంట్రీతో సినిమా మ‌రో స్థాయికి వెళ్లింద‌ని చాలా మంది త‌మ సామాజిక మాధ్య‌మాల్లో పోస్టులు పెడుతున్నారు. అంతేకాదు మొద‌టి నుంచి ట్రోలింగ్ జ‌రిగిన‌ట్లు సినిమా లేద‌ని చాలా జాగ్ర‌త్త‌గా, అనేక ప‌రిశోధ‌న‌లు చేసి మ‌రి తీసిన‌ట్లు ఉంద‌ని చెబుతున్నారు.
ఫ‌స్టాప్ కాస్త ల్యాగ్‌, బోర్ ఫీల్ వ‌చ్చినా ద్వితియార్ధ‌మే అద్భుతంగా ఉంద‌ని, ముఖ్యంగా ప్రభాస్ వ‌చ్చిన త‌ర్వాత, ఆపై చివ‌రి 30 నిమిషాలు సినిమాకు ఆయువు ప‌ట్ట‌ని అంటున్నారు. అధేవిధంగా సినిమాకు బ్యాగ్రౌండ్ స్కోర్‌, పాట‌లు సినిమా స్థాయిని పెంచేలా ఉన్నాయ‌ని, పాటల్లోని సాహిత్యం కూడా అర్థ‌వంతంగా ఉండి అంద‌రికీ క‌నెక్ట్ అయ్యేలా ఉన్నాయ‌ని పేర్కొంటున్నారు. ఈ త‌రానికి క‌న్న‌ప్ప గురించి తెలియ‌జేసే ప్ర‌య‌త్నం బావుంద‌ని, ప్ర‌ధానంగా మంచు విష్ణు న‌ట‌న, తిన్న‌డు నుంచి క‌న్న‌ప్పగా మారిన క్ష‌ణం మెస్మ‌రైజింగ్‌గా ఉంద‌ని, పూర్తిగా భ‌క్తిభావం పెరిగేలా చేస్తూ క్లైమాక్స్ స్ట‌న్నింగ్‌గా రూపొందించార‌ని అనేక మంది సోష‌ల్ మీడియాల్లో త‌మ, త‌మ అభిప్రాయాలు వెలిబుచ్చుతున్నారు.