Kadhakali: బ్రహ్మాజీ, యశ్వంత్ పెండ్యాల లీడ్ రోల్స్ లో...

బ్రహ్మాజీ, యశ్వంత్ పెండ్యాల కీలక పాత్రలు పోషిస్తున్న సినిమా 'కథకళి'. ఈ న్యూ ఏజ్ క్రైమ్ డ్రామా రెగ్యులర్ షూటింగ్ వచ్చే నెలలో మొదలు కానుంది.

ప్రముఖ నటుడు బ్రహ్మాజీ, 'కమిటీ కుర్రోళ్ళు' ఫేమ్ యశ్వంత్ పెండ్యాల లీడ్ రోల్స్ లో ప్రసన్న కుమార్ నాని దర్శకత్వంలో రూపొందనున్న చిత్రం 'కథకళి'. ఈ ఇంటెన్స్ న్యూఏజ్ క్రైమ్ థ్రిల్లర్ ను మాన్యత ప్రొడక్షన్స్ బ్యానర్ పై రవికిరణ్ కలిదిండి నిర్మిస్తున్నారు. శనివారం ఈ సినిమా పూజాకార్యక్రమాలతో ప్రారంభమైంది. నిహారిక కొణిదెల ముహూర్తపు సన్నివేశానికి క్లాప్ ఇచ్చారు. హర్షిత్ రెడ్డి కెమెరా స్విచాన్ చేశారు. బ్రహ్మాజీ స్క్రిప్ట్ అందించగా ఫస్ట్ షాట్ కి డైరెక్టర్ ప్రసన్న కుమార్ నాని దర్శకత్వం వహించారు. మధు దామరాజు, మైమ్ మధు కీలక పాత్రలు పోషిస్తున్న ఈ చిత్రానికి ట్యాలెంటెడ్ టెక్నిషియన్స్ పని చేస్తున్నారు. పవన్ మ్యూజిక్ అందిస్తుండగా, జితిన్ మోహన్ డీవోపీగా పని చేస్తున్నారు.

'కథకళి' మూవీ లాంచింగ్ ప్రెస్ మీట్ లో నిహారిక కొణిదెల మాట్లాడుతూ, ''ఇందులో కీలక పాత్ర పోషిస్తున్న యశ్వంత్ మా 'కమిటీ కుర్రాళ్ళు' సినిమాల్లో నటించాడు. తన కొత్త సినిమా ముహూర్తానికి నేను రావడం చాలా ఆనందంగా ఉంది. బ్రహ్మాజీ గారు యశ్వంత్ కి చాలా మంచి సపోర్ట్ ఇస్తారని భావిస్తున్నాను. ఈ సినిమా హ్యుజ్ బ్లాక్ బస్టర్ కావాలని కోరుకుంటున్నాను'' అని అన్నారు. ఈ కథ చాలా బాగా నచ్చిందని, అదే ఈ సినిమాకు హీరో అని నటుడు బ్రహ్మాజీ తెలిపారు. ఇదో ఇంట్రెస్టింగ్ ఇన్వెస్టింగ్ థ్రిల్లర్ అని, వచ్చే నెల నుండి రెగ్యులర్ షూటింగ్ మొదలు అవుతుందని దర్శకుడు ప్రసన్న కుమార్ నాని చెప్పారు. ఈ సమావేశంలో హర్షిత్ రెడ్డి, యశ్వంత్, రవికిరణ్ కలిదిండి, మధు దామరాజు మాట్లాడారు. ఇది రోలర్ కోస్టర్ రైడ్ ఎక్స్ పీరియన్స్ ను ఇస్తుందని అన్నారు.

Also Read: Pradeep Ranganathan: డ్యూడ్ టైటిల్ ఖరారు... దీపావళికి విడుదల

మరిన్ని సినిమా వార్తల కోసం ఇక్కడ క్లిక్ చేయండి