Ruhani Sharma: ఎట్టకేలకు థియేటర్స్‌కి రుహానీ శర్మ బోల్డ్‌ సినిమా...
ABN, Publish Date - Nov 13 , 2025 | 03:48 PM
రుహానీ శర్మ (Ruhani Sharma) హీరోయిన్‌గా నటించిన చిత్రం ‘ఆగ్రా’ (Agra). అయితే ఆ సినిమా 2019లో రావలసింది. పలు అడ్డంకులతో విడుదలకు నోచుకోలేదు.
రుహానీ శర్మ (Ruhani Sharma) హీరోయిన్‌గా నటించిన చిత్రం ‘ఆగ్రా’ (Agra). అయితే ఆ సినిమా 2019లో రావలసింది. పలు అడ్డంకులతో విడుదలకు నోచుకోలేదు. రిలీజ్‌ కాకపోయినా గత సంవత్సరం కేన్స్‌ ఫిల్మ్‌ ఫెస్టివల్స్‌లలో ప్రదర్శించగా మంచి అప్లాజ్‌ తెచ్చుకుంది. దీంతో అందరి దృష్టి ఈ సినిమాపై పడింది. కాను బెహల్‌ దర్శకత్వం వహించిన ఈ చిత్రం ఎట్టకేలకు థియేటర్స్‌లోకి రానుంది. ఈ నెల 14న ఈ సినిమాను విడుదల చేస్తున్నారు మేకర్స్‌.
అయితే ఈ సినిమా వీడియో లీక్‌పై నటి రుహానీ శర్మ గతంలో ఓ సారి అసహనం వ్యక్తం చేశారు. ఏప్రిల్‌ 3న ఫ్రాన్స్‌లో ట్రైలర్‌ను రిలీజ్‌ చేయగా అందులో రుహానీ శర్మ ముద్దు సీన్లు, ఇంటిమేట్‌ సీన్లను చూసి ప్రేక్షకులు ఒక్కసారిగా షాక్‌ అయ్యారు. కుర్రాకారుకి అయితే నిద్రే లేదు. సినిమాలోని కొన్ని సన్నివేశాలు నెట్టింట వైరల్ కావడంతో అవి రుహానీ ప్రైవేట్‌ వీడియోలని ప్రచారం చేశారు కొందరు. దానిపై అసహనం వ్యక్తం చేసింది. ఆ ఇష్యూపై క్లారిటీ కూడా ఇచ్చింది. ఈ సినిమా కథ ఎన్నో అవార్డులను గెలుచుకుందన్న విషయాన్ని మరచి.. నాకు సంబంధించిన కొన్ని సీన్లను వైరల్ చేయడం ఎంతో బాధ కలిగించింది. ఆ సన్నివేశాలు లీక్‌ అయినప్పటినుంచి నేను ఎంతో నిరుత్సాహంగా ఉన్నాను. నా బాధను వివరించడానికి నిరుత్సాహం అనేది కూడా చిన్నమాటే. మా కష్టాన్ని, అంకితభావాన్ని విస్మరించి కేవలం కొన్ని సన్నివేశాలను మాత్రమే వైరల్ చేయడం హృదయవిదారకంగా ఉంది. కళాత్మక చిత్రాలను రూపొందించడం ఎంతో పెద్ద సవాలు. వాటి కోసం నిద్ర లేని రాత్రులు గడపాలి. అలాంటి చిత్రాలను ప్రేక్షకుల ముందుకు తీసుకురావడానికి రక్తాన్ని చెమటగా మార్చాలి. మా కన్నీళ్లను అర్థం చేసుకోకుండా కొందరు దాని గురించి తప్పుగా మాట్లాడుతున్నారు. కొన్ని సన్నివేశాల ఆధారంగా సినిమాపై ఓ నిర్ణయానికి రాకూడదు. ఈ చిత్రాన్ని కేన్స్‌ ఫిల్మ్‌ ఫెస్టివల్‌ 2023లో ప్రదర్శించారు. చిత్ర బృందానికి దక్కిన గౌరవం అది. ఈ సినిమా అంతర్జాతీయ స్థాయిలో ప్రశంసలు అందుకుంది. ఇంత గొప్ప ప్రాజెక్ట్‌లో భాగమైనందుకు నాకెంతో గర్వంగా ఉంది. ఈ సినిమా శైలిని అందరూ గుర్తించాలని కోరుతున్నాను. కళ ఎప్పుడూ సులభంగా, సౌకర్యవంతంగా ఉండదు. ఎన్నో భావోద్వేగాలతో ముడిపడి ఉంటుంది. కళాకారుల శ్రమను వృథా చేయకండి సినిమా గొప్పతనాన్ని అర్థం చేసుకోండి’ అని గతంలో వదిలిన లేఖలో ఆమె పేర్కొన్నారు.