Mr.Idiot: రవితేజ వారసుడు మాధవ్.. ‘మిస్టర్ ఇడియ‌ట్‌’ టీజర్ రిలీజ్

మాస్ మహరాజ్ రవితేజ (Ravi Teja) వారసుడు మాధవ్ (maadhav) హీరోగా న‌టిస్తోన్న‌ సినిమా ‘మిస్టర్ ఇడియ‌ట్‌’(Mr Idiot). ఈ చిత్రంలో సిమ్రాన్ శ‌ర్మ (Simran Sharma) హీరోయిన్‌గా న‌టిస్తోంది. జేజేఆర్ ఎంటర్టైన్మెంట్స్ (JJR Entertainments) పతాకంపై శ్రీమతి యలమంచి రాణి సమర్పణలో నిర్మాత జె జే ఆర్ రవిచంద్ ఈ సినిమాను నిర్మిస్తున్నారు. ‘పెళ్లి సందD’ చిత్రంతో కమర్షియల్ హిట్ అందుకున్న దర్శకురాలు గౌరీ రోణంకి (Gowri Ronanki) డైరెక్ట్ చేస్తున్నారు. తాజాగా ఈ రోజు (శుక్రవారం) ‘మిస్టర్ ఇడియ‌ట్‌’(Mr Idiot) చిత్రం టీజర్ ను రవితేజ సోషల్ మీడియా ద్వారా రిలీజ్ చేశారు.

ఈ టీజర్ ను చూస్తే.. ధృవ ఫ్యాషన్ డిజైనింగ్ కాలేజీలో చదివే సత్య (హీరోయిన్ సిమ్రాన్ శర్మ) కాలేజ్ టాపర్. ఆమె డిజైన్ గీస్తే ది బెస్ట్ గా నిలవాల్సిందే. కాలేజ్ లో సత్య మెరిట్ ను బీట్ చేయడం ఎవరి వల్లా కాదు. అలాంటి టైమ్ లో కాలేజ్ లో అడుగు పెడతాడు హీరో (మాధ‌వ్). సత్యను న గుణింతంతో పిలుస్తూ సరదాగా టీజ్ చేస్తుంటాడు. హీరోయిన్ ను హీరో గుణింతంతో ఎందుకు పిలుస్తున్నాడు? అల్లరిగా సాగే వీరి స్నేహం ప్రేమగా ఎలా మారింది ? అనేది టీజర్ లో ఇంట్రెస్టింగ్ గా చూపించారు.

మాధవ్ రవితేజ (Ravi Teja)లా ఎనర్జిటిక్ గా కనిపించాడు. స్టైలిష్ లుక్స్ తో పాటు పర్ ఫార్మెన్స్ లోనూ ఆకట్టుకున్నాడు. ప్రస్తుతం అన్ని కార్యక్రమాలు పూర్తి చేసుకున్న ‘మిస్టర్ ఇడియ‌ట్‌’(Mr Idiot) సినిమా త్వరలో గ్రాండ్ థియేట్రికల్ రిలీజ్ కు రాబోతోంది. రిలీజ్ డేట్ ను మేకర్స్ అనౌన్స్ చేయబోతున్నారు.