Kajal Aggarwal: సత్యభామ నుంచి ఫస్ట్ సింగిల్ 'కళ్లారా చూసాలే..' రిలీజ్
ABN, Publish Date - Apr 25 , 2024 | 06:51 PM
కాజల్ అగర్వాల్ లీడ్ రోల్ లో నటిస్తున్న సినిమా “సత్యభామ”. నవీన్ చంద్ర కీలక పాత్రను పోషిస్తున్నారు. తాజాగా ఈ సినిమా నుంచి ఫస్ట్ సింగిల్ 'కళ్లారా చూసాలే'.. అనే పాటను రిలీజ్ చేశారు.
'క్వీన్ ఆఫ్ మాసెస్' కాజల్ అగర్వాల్ (Kajal Aggarwal) లీడ్ రోల్ లో నటిస్తున్న సినిమా “సత్యభామ”(Satyabhama). నవీన్ చంద్ర (Actor Naveen Chandra) అమరేందర్ అనే కీలక పాత్రను పోషిస్తున్నారు. ఈ చిత్రాన్ని అవురమ్ ఆర్ట్స్ (Aurum Arts Official) పతాకంపై బాబీ తిక్క, శ్రీనివాసరావు తక్కలపల్లి నిర్మించారు. “మేజర్” చిత్ర దర్శకుడు శశికిరణ్ తిక్క సమర్పకుడిగా వ్యవహరిస్తూ స్క్రీన్ ప్లే అందించారు. క్రైమ్ థ్రిల్లర్ కథతో దర్శకుడు సుమన్ చిక్కాల (sumanchikkala) రూపొందించారు. “సత్యభామ” సినిమా మే 17వ తేదీన గ్రాండ్ థియేట్రికల్ రిలీజ్ అవ‌నుంది.
ఈ క్ర‌మంలో తాజాగా “సత్యభామ” (Satyabhama)సినిమా నుంచి ఫస్ట్ సింగిల్ 'కళ్లారా చూసాలే..' పాటను రిలీజ్ చేశారు. ఈ పాటను బ్యూటిఫుల్ మెలొడీగా మ్యూజిక్ డైరెక్టర్ శ్రీచరణ్ పాకాల కంపోజ్ చేశారు. రాంబాబు గోసాల లిరిక్స్ అందించగా..క్వీన్ ఆఫ్ మెలొడీ శ్రేయా ఘోషల్ పాడారు.
సత్యభామ, అమరేందర్ యూనివర్సిటీలో కలిసి చదువుకున్నప్పటి నుంచీ తమ లవ్ జర్నీని ఈ పాటలో గుర్తు చేసుకుంటారు. 'కళ్లారా చూసాలే..నువ్వేనా నువ్వే నేనా, గుండెల్లో దాచాలే నిన్నేనా నా నిన్నేనా నీ ఊహల గుస గుస పదనిసలై ఉయ్యాలే ఊపేనా నీ ఊసుల మధురిమ హృదయమునే మైకంలో ముంచేసేనా'..అంటూ సాగుతుందీ పాట. “సత్యభామ” సినిమాకు 'కళ్లారా చూసాలే..' పాట ప్రత్యేక ఆకర్షణ కానుంది.