Hansika: 34 నిమిషాల షాట్‌ని సింగిల్ టేక్‌లో..

హన్సిక (Hansika) హీరోయిన్‌గా రాజు దుస్సా (Raju Dussa) దర్శకత్వంలో రుద్రాన్ష్ సెల్యులాయిడ్స్ మరియు మాంక్ ఫిలిమ్స్ సంయుక్తంగా బొమ్మక్ శివ నిర్మాతగా వస్తున్న సినిమా ‘105 మినిట్స్’. ఇప్పటికే ఈ సినిమాకు సంబంధించి విడులైన మోషన్ పోస్టర్, థీమ్ సాంగ్ మంచి స్పందనను రాబట్టుకోగా.. తాజాగా ఈ చిత్ర ట్రైలర్‌ని మేకర్స్ విడుదల చేశారు. ఈ సినిమాలో చేసిన పాత్ర గెటప్‌లోనే హన్సిక స్టేజ్ పైకి వచ్చి ఈ ట్రైలర్‌ని విడుదల చేయడం విశేషం. ఒకే పాత్రతో ఒకే షాట్లో చిత్రీకరించబడిన మొట్టమొదటి ప్రయోగాత్మక చిత్రంగా ‘105 మినిట్స్’ (105 Minuttess) సినిమా తెరకెక్కింది. జనవరి 26న సినిమాని ప్రేక్షకుల ముందుకు తీసుకొస్తున్నారు.

ట్రైలర్ విడుదల సందర్భంగా హీరోయిన్ హన్సిక మాట్లాడుతూ.. 105 మినిట్స్ సినిమా రిలీజ్ అవుతున్నందుకు చాలా ఆనందంగా ఉంది. ఇది పూర్తిగా ప్రయోగాత్మక చిత్రం. 34 నిమిషాల షాట్‌ని సింగిల్ టేక్‌లో చేయడం అనేది నాకు ఒక కొత్త అనుభవంలా అనిపించింది. 8 రోజులు రిహార్సల్స్ చేసిన షార్ట్ అది. ఇలాంటి ప్రయోగాలు సినిమాలో ఎన్నో ఉన్నాయి. ఈ మూవీకి నన్ను సెలెక్ట్ చేసుకోవడం చాలా ఆనందంగా ఉంది. జనవరి 26న రిలీజ్ అవుతున్న మా సినిమాను ప్రేక్షకులు చూసి సక్సెస్ చేయాలని కోరుకుంటున్నానని అన్నారు. కో ప్రొడ్యూసర్ సుమన్ మాట్లాడుతూ.. నిజంగా నిర్మాత బొమ్మక్ శివ గారికి ఎంతో గట్స్ ఉంటే గాని ఇలాంటి కంటెంట్ యాక్సెప్ట్ చేయడం కష్టం. ఇది ఒక మంచి కంటెంట్ ఉన్న థియేటర్ సినిమా. ప్రస్తుతం ఈ సినిమాని తెలుగులోనే వరల్డ్ వైడ్ రిలీజ్ చేసి తర్వాత డిఫరెంట్ లాంగ్వేజస్‌లో పాన్ ఇండియా లెవెల్‌లో తీసుకొస్తామని అన్నారు. (105 Minuttess Movie Trailer Released)

దర్శకుడు రాజు దుస్సా మాట్లాడుతూ.. మొట్టమొదటిసారిగా దర్శకత్వం వహిస్తున్న నన్ను నమ్మి, కంటెంట్‌ని నమ్మి ఈ సినిమాని నిర్మించడానికి ముందుకు వచ్చిన నిర్మాత బొమ్మక్ శివ గారికి ప్రత్యేకంగా కృతజ్ఞతలు. ఈ కథను హన్సిక‌గారి దగ్గర తీసుకెళ్లినప్పుడు ఒప్పుకుంటారా లేదా అనే ఒక కన్ఫ్యూజన్ ఉంది. కానీ కథ వినగానే సింగిల్ సిట్టింగ్లో నేను సినిమా చేస్తున్నానని ఆమె అన్నారు. నన్ను నమ్మి ఈ కథను నమ్మి ఈ సినిమా చేసిన ఆమెకు కృతజ్ఞతలు. అలాగే మాంక్ ఫిలిమ్స్ సుమన్‌గారు కలవడం సినిమా ఇంకా ముందుకు పరిగెడుతోంది. జనవరి 26న ఈ సినిమాని ప్రేక్షకులు ముందుకు తీసుకొస్తున్నాం. ప్రేక్షకుల సినిమాను చూసి మమ్మల్ని ఆశీర్వదించాలని కోరుకుంటున్నానని తెలిపారు.

ఇవి కూడా చదవండి:

====================

*Nayanthara: జై శ్రీరామ్ అంటూ.. క్షమాపణలు చెప్పిన నయనతార

****************************

*Krishnam Raju: రెబల్ స్టార్ కృష్ణంరాజు జయంతికి మొగల్తూరులో ఏం చేస్తున్నారంటే..

****************************

*Guntur Kaaram: ‘కుర్చీ మడతపెట్టి’ పాట.. నిజంగానే మడతపెట్టేస్తోంది

*****************************