Latest Update on Good Bad Ugly: అజిత్ సినిమా హైదరాబాదులో...

తమిళ సూపర్ స్టార్ అజిత్ ప్రస్తుతం హైదరాబాదులో వున్నారు. ఇంతకీ అతను ఇక్కడ ఏమి చేస్తున్నారు అంటే తన తాజా సినిమా 'గుడ్ బ్యాడ్ అగ్లీ' సినిమా చిత్రీకరణ కోసం వచ్చారు అని తెలిసింది. ఈ సినిమాకి దర్శకుడు అధిక్ రవిచంద్రన్. అతను ఇంతకు ముందు 'మార్క్ ఆంటోనీ' అనే సినిమాకి దర్శకత్వం వహించారు. ఇప్పుడు అజిత్ కథానాయకుడిగా తెరకెక్కుతున్న ఈ 'గుడ్ బ్యాడ్ అగ్లీ' చిత్రానికి అధిక్ దర్శకత్వం వహిస్తున్నారు. ఈ చిత్రంలో అజిత్ మూడు విభిన్న పాత్రలను పోషిస్తున్నట్టుగా ఈ చిత్రం మొదటి లుక్ ని విడుదల చేసినప్పుడు అర్థం అవుతోంది.

ఈ చిత్రం యొక్క మొదటి లుక్ ని ఈమధ్యనే విడుదల చేశారు. అందులో అజిత్ మూడు పాత్రల్లో ఎలా వుండబోతున్నారో తెలియబరిచారు. మైత్రి మూవీ మేకర్స్ ఈ సినిమా నిర్మాణం చేస్తున్నారు. ఈ సినిమా కోసం అన్నపూర్ణ స్టూడియోలో ఒక ప్రత్యేకమైన సెట్ తయారుచేశారని, అందులో అజిత్ తో చిత్రీకరణ జరుగుతోందని తెలిసింది. ఇక్కడ ఇంకొన్ని రోజులు చిత్రీకరణ ఉంటుందని, తరువాత ఈ సినిమా రష్యాలో చిత్రీకరణ జరుపుకుంటుంది తెలిసింది.

వచ్చే సంవత్సరం సంక్రాంతికి ఈ సినిమాని విడుదల చెయ్యడానికి నిర్మాతలు సన్నాహాలు చేస్తున్నట్టుగా తెలిసింది. మైత్రి మూవీ మేకర్స్ ఈ సినిమా కోసం అజిత్ కి భారీ పారితోషికం ముట్టచెప్పినట్టుగా తెలుస్తోంది. అలాగే ఈ సినిమా సంగీతం సమకూర్చేందుకు దేవి శ్రీ ప్రసాద్ ని తీసుకున్నారు. ఇలా భారీ బడ్జెట్ తో ఈ సినిమా రూపొందుతోంది.