V Jayashankarr: జాక్వెలిన్ ఫెర్నాండేజ్‌తో ‘పేపర్ బాయ్, అరి’ దర్శకుడి చిత్రం!

సున్నితమైన ఎమోషన్స్‌ను ఎంతో అద్భుతంగా ‘పేపర్ బాయ్’ (Paper Boy) సినిమాలో చూపించి మెప్పించిన దర్శకుడు జయశంకర్ (V Jayashankarr). ఇక రెండో ప్రయత్నంగా ‘అరి’ అంటూ అరిషడ్వర్గాల మీద చిత్రాన్ని రూపొందిస్తున్నాడు. ఇప్పటికే ఈ సినిమాపై అందరిలోనూ ఆసక్తిని క్రియేట్ అయింది. పలువురు సెలెబ్రిటీలు సినిమాను చూసి మెచ్చుకున్నారు కూడా. త్వరలోనే ఈ సినిమా ప్రేక్షకుల ముందుకు రానుంది. ఈ రెండు సినిమాల తర్వాత దర్శకుడు జయశంకర్ చేయబోయే సినిమాపై టాలీవుడ్ సర్కిల్స్‌లో ఓ వార్త వైరల్ అవుతోంది.

అదేమంటే.. దర్శకుడు జయశంకర్ ఓ లేడీ ఓరియెంటెడ్ సబ్జెక్ట్ మీద ఫోకస్ పెట్టినట్టుగా, ఆ కథకు నయనతార (Nayanthara) ఓకే చెప్పినట్టుగా ఆ మధ్య రూమర్లు వచ్చాయి. అయితే ఇప్పుడు ఈ ప్రాజెక్ట్ మీద కొత్త రూమర్ వినిపిస్తోంది. జయశంకర్ అనుకుంటున్న ఈ లేడీ ఓరియెంటెడ్ సబ్జెక్ట్‌కు సౌత్, నార్త్‌లో మంచి క్రేజ్ ఉన్న నటిని తీసుకున్నారని టాక్ వినిపిస్తోంది. శ్రీలంక భామ జాక్వెలిన్ ఫెర్నాండేజ్‌ (Jacqueline Fernandez)తో జయ శంకర్ తన లేడీ ఓరియెంటెడ్ సబ్జెక్ట్‌ను చేస్తున్నాడని తెలుస్తోంది.

పాన్ ఇండియా ప్రాజెక్ట్‌గా ఈ సినిమా తెరకెక్కబోతోందని సమాచారం. మరి ఈ ప్రాజెక్ట్ మీద అధికారిక ప్రకటన ఎప్పుడు అనేది ఇంకా తెలియాల్సి ఉంది. ఇక జయశంకర్ తీసిన ‘అరి’ (Ari) చిత్రం ఈ ఎన్నికల హడావిడి అయిపోయిన అనంతరం థియేటర్లోకి రానుంది. జూన్‌లో ఈ సినిమాను విడుదల చేసేందుకు దర్శక నిర్మాతలు సన్నాహాలు చేస్తున్నట్లుగా సమాచారం.

Read Latest Cinema News