Hello Baby: ‘హలో బేబీ’కి బెస్ట్ కాన్సెప్ట్ ఫిల్మ్ అవార్డ్.. ఎక్కడంటే

SKML మోషన్ పిక్చర్స్ పతాకంపై.. రామ్ గోపాల్ రత్నం దర్శకత్వంలో రూపుదిద్దుకున్న చిత్రం ‘హలో బేబీ’. కావ్య కీర్తి ప్రధాన పాత్రలో నటించారు. సోలో పాత్రలో మొట్టమొదటి భారతీయ హ్యాకింగ్ మూవీగా ఈ సినిమా తెరకెక్కింది. కాగా.. విడుదలకు ముందే ఈ చిత్రానికి అవార్డుల పంట పండుతోంది. తాజాగా ఈ చిత్రం ఇంటర్నేషనల్ ఫిల్మ్ ఫెస్టివల్ ఆఫ్ ఆంధ్రప్రదేశ్‌లో అవార్డ్స్‌లో బెస్ట్ కాన్సెప్ట్ ఫిల్మ్ అవార్డును సొంతం చేసుకుంది.

తిరుపతిలో జరిగిన ఈ అవార్డుల కార్యక్రమంలో నిర్మాత కాండ్రేగుల ఆదినారాయణ ఈ అవార్డును అందుకున్నారు. ఈ అవార్డును నటి నందితా శ్వేత చేతుల మీదుగా ఆయన అందుకున్నారు. ఈ అవార్డు రావడం పట్ల ఆయన సంతోషాన్ని వ్యక్తం చేశారు. ఈ సినిమాకు ఇంకా ఎన్నో అవార్డులు వస్తాయనే నమ్మకంతో ఉన్నట్లుగా ఆయన చెప్పుకొచ్చారు. ప్రస్తుతం ఈ సినిమాను తెలుగు రాష్ట్రాల్లో 200కి పైగా థియేటర్లలో విడుదల చేసేందుకు సన్నాహాలు చేస్తున్నామని, అలాగే హిందీలో కూడా రీమేక్ చేసేందుకు ప్లాన్ చేస్తున్నామని నిర్మాత కాండ్రేగుల ఆదినారాయణ తెలిపారు.

ప్రస్తుతం ఈ సినిమా అన్ని కార్యక్రమాలతో పాటు సెన్సార్ కార్యక్రమాలను కూడా పూర్తి చేసుకుని విడుదలకు సిద్ధమైంది. సెన్సార్ నుండి యుబైఏ సర్టిఫికేట్‌ని సొంతం చేసుకుంది. భారతీయ సినీ ఇండస్ట్రీలో సింగిల్ పాత్రలో తెరకెక్కిన ఈ సినిమాపై సెన్సార్ వారు ప్రశంసలు కురిపించినట్లుగా మేకర్స్ వెల్లడించారు. ఈ సినిమాకు రమణ కె నాయుడు సినిమాటోగ్రఫీ, సుకుమార్ పమ్మి సంగీత బాధ్యతలను నిర్వర్తించారు.

ఇవి కూడా చదవండి:

====================

*Lal Salaam Trailer: ఇండియన్‌గా నేర్చుకోవాల్సింది అదే.. తలైవా డైలాగ్ వైరల్

*************************

*Vishal: పొలిటికల్ ఎంట్రీ, నూతన పార్టీ వార్తలపై విశాల్ ఏమన్నారంటే..

***********************

*Kiran Abbavaram: కొత్త దర్శకుడితో కిరణ్ అబ్బవరం.. టైటిల్ ఫిక్స్

**************************

*RRR: జక్కన్నపై మరోసారి హాలీవుడ్ దిగ్గజ దర్శకుడు ప్రశంసలు

******************************