Mahesh Babu Birthday: త్రివిక్రమ్ కన్నా పూరి జగన్ బెస్ట్ అంటున్నారు అభిమానులు

మహేష్ బాబు (MaheshBabu) పుట్టినరోజు అయిన ఈరోజు అంటే ఆగస్టు 9 అతని అభిమానులకి పండగే. అయితే ఈసారి మహేష్ బాబు పుట్టినరోజుకి అభిమానులు ఒక పెద్ద కానుకే ఇచ్చారు అని చెప్పవచ్చు. ఎందుకంటే అగ్ర నటుల పాత సినిమాలు మళ్ళీ రి రిలీజ్ చెయ్యడం మొదలు పెట్టింది మహేష్ బాబు. అతని 'ఒక్కడు' #Okkadu సినిమా తో మొదలు పెట్టిన ఈ ట్రెండ్ ఇప్పుడు ప్రతి నటుడు, అలాగే ప్రతి హిట్ సినిమాలని విడుదల చేస్తున్నారు. 'ఒక్కడు' మళ్ళీ రెండో సారి విడుదలైనప్పుడు పెద్ద హిట్ అయిన సంగతి తెలిసిందే.

అయితే ఈసారి మహేష్ బాబు పుట్టినరోజు సందర్భంగా అప్పట్లో పెద్ద హిట్ అయిన అతని ముందు సినిమా 'బిజినెస్ మేన్' #Businessman4K విడుదలైంది. దీనికి పూరి జగన్నాథ్ (PuriJagannadh) దర్శకుడు. ఇందులో మహేష్ అప్పటి వరకు చేసిన సినిమాలకన్నా ఒక వైవిధ్యమైన పాత్ర ఇందులో చేసాడు. అలాగే ఇందులో మహేష్ ఒక పాటలో పాడతాడు కూడా. థమన్ (SThaman) దీనికి సంగీత దర్శకుడు. ఈ సినిమా విడుదలై 11 సంవత్సరాలు అవుతోంది, కానీ ఇప్పుడు మహేష్ పుట్టినరోజు సందర్భంగా మళ్ళీ అభిమానుల కోసం విడుదలైంది.

ఈ సినిమా అప్పుడు విడుదలైనప్పుడు ఒక సంచలనం సృష్టించింది. ఒక పెద్ద బ్లాక్ బస్టర్ గా నిలిచింది. ఇందులో మాటలు, పాటలు, పోరాట సన్నివేశాలు, అన్నిటికీ మించి 'సూర్యా భాయ్' ఇవన్నీ మహేష్ అభిమానులని అలరించాయి. ఈ సినిమా ఈరోజు మహేష్ పుట్టినరోజు నాడు విడుదలై అంతే సంచలనం సృష్టిస్తోంది అని చెపుతున్నారు. సాంఘీక మాధ్యమాల్లో మహేష్ అభిమానులు ఈ సినిమా గురించే ఎక్కువ మళ్లాడుతున్నారు. త్రివిక్రమ్ శ్రీనివాస్ (TrivikramSrinivas) దర్శకత్వంలో రాబోతున్న 'గుంటూరు కారం' #GunturKaram గురించి ఎక్కువ మాట్లాడుకోవటం లేదు కానీ, పూరి జగన్నాథ్ దర్శకత్వం వహించిన ఈ 'బిజినెస్ మేన్' #Bussinessman4K గురించే ఎక్కువ మాట్లాడుతున్నారు.

ఈరోజు విడుదలైన అన్ని చోట్లా ఈ సినిమా హౌస్ ఫుల్ కలెక్షన్స్ తో నడుస్తోంది. అలాగే ప్రీ బుకింగ్ లోనే రికార్డు నెలకొల్పిన ఈ 'బిజినెస్ మేన్' సినిమా రెండో సారి విడుదలైనప్పుడు కూడా సంచలనమే ! ఇందులో కాజల్ అగర్వాల్ (KajalAgarwal) కథానాయిక, కాగా ఈ సినిమాలో మొదటిసారిగా మహేష్ లిప్ లాక్ సన్నివేశంలో నటించాడు అని అంటారు.

మొత్తం మీద రాబోయే 'గుంటూరు కారం' కన్నా ఇంతకు ముందు పూరి జగన్ దర్శకత్వంలో వచ్చిన 'బిజినెస్ మేన్' మహేష్ పుట్టినరోజు సందడి చేసింది బాగా.