Ravi teja: ఈసారైనా జానర్‌ మారుస్తాడా?

మాస్‌ మహారాజా రవితేజ్‌ (Ravi teja), గోపీచంద్‌ మలినేనిలది(Gopi chand) సక్సెస్‌ఫుల్‌ కాంబినేషన్‌. ఇప్పటికే వీరిద్దరి కలయికలో ‘డాన్‌ శీను’, ‘బలుపు’, ‘క్రాక్‌’ (Krack) వంటి మూడు హిట్‌ చిత్రాలొచ్చాయి. ఇప్పుడు నాలుగోసారి ప్రేక్షకులను అలరించడానికి సిద్ధమవుతున్నారు. ఈ విషయాన్ని నిర్మాణ సంస్థ ట్విట్టర్‌ వేదికగా తెలిపింది. మైత్రి మూవీస్‌ మేకర్స్‌ సంస్థ ఈ చిత్రాన్ని నిర్మించనుంది. ఈ మేరకు ఈ విషయాన్ని తెలియజేస్తూ పోస్టర్‌ను విడుదల చేశారు. ‘బ్లాక్‌బస్టర్‌ హ్యాట్రిక్‌ తర్వాత మరోసారి బాక్సాఫీస్‌ వద్ద మ్యాజిక్‌ క్రియేట్‌ చేయడానికి నాలుగోసారి హిట్‌ కాంబో రెడీ అవుతోంది’’ అని ట్వీట్‌ చేశారు. ఈ చిత్రానికి తమన్‌ సంగీతం అందిస్తున్నారు. ఈ చిత్రానికి సంబంధించిన ఇతర వివరాలె త్వరలో వెల్లడిస్తామని నిర్మాతలు తెలిపారు. రవితేజ , గోపీచంద్‌ కాంబోలో వచ్చిన ‘డాన్‌ శీను’, ‘బలుపు’, ‘క్రాక్‌’ మూడూ మాస్‌ యాక్షన్‌ చిత్రాలే. మరి ఈసారి ఏ జానర్‌ ఎంచుకున్నారో తెలియాలంటే కొద్ది రోజులు వేచిచూడాల్సిందే!

ప్రస్తుతం రవితేజ ‘టైగర్‌ నాగేశ్వరరావు’ (tiger nageswararao) చిత్రంతో బిజీగా ఉన్నారు. వంశీ దర్శకత్వం వహిస్తున్నారు. స్టూవర్టుపురంలోని గజదొంగ జీవిత కథ ఆధారంగా ఈ చిత్రం రూపొందుతోంది. 1970 నేపథ్యంలో సాగే ఈ చిత్రం రవితేజకు తొలి ప్యాన్‌ ఇండియా సినిమా కావడం విశేషం. 18 ఏళ్ల విరామం తర్వాత రేణూ దేశాయ్‌ ఈ చిత్రంతో వెండితెరకు రీ ఎంట్రీ ఇస్తున్నారు. ఇందులో హేమలతా లవణం అనే స్ఫూర్తిదాయకమైన పాత్రలో నటిస్తున్నారు. అక్టోబర్‌ 20న ఈ చిత్రం విడుదల కానుంది.