Perfume: బిగ్‌బాస్ ఫేమ్ భోళే, భీమ్స్ వదిలిన ‘పర్‌ఫ్యూమ్’ టైటిల్ ట్రాక్

స్మెల్ బేస్డ్ థ్రిల్లింగ్ కాన్సెప్ట్‌‌తో తెరకెక్కుతోన్న చిత్రం ‘పర్‌ఫ్యూమ్’ (Perfume). శ్రీమాన్ మూవీస్ ప్రజెంట్స్, మిత్రా మూవీ మేకర్స్, ఫరెవర్ ఫ్రెండ్స్ నిర్మిస్తున్న ఈ మూవీలో చేనాగ్ (Che Nag), ప్రాచీ థాకర్ (Prachi Thaker) జంటగా నటిస్తున్నారు. జే.డి.స్వామి దర్శకత్వంలో తెరకెక్కగా.. జె.సుధాకర్, శివ.బి, రాజీవ్ కుమార్.బి, లావురి శ్రీనివాస్, రాజేంద్ర కనుకుంట్ల, శ్రీధర్ అక్కినేని (అమెరికా) సంయుక్తంగా ఈ చిత్రాన్ని నిర్మిస్తున్నారు. అజయ్ సంగీతం అందిస్తున్నారు. ఈ చిత్రం నవంబర్ 24న థియేటర్లలో విడుదల కాబోతోంది. చిత్ర ప్రమోషన్స్‌లో భాగంగా ఈ సినిమా నుంచి అదిరిపోయే మాస్ బీట్ సాంగ్‌ని భీమ్స్ సిసిరొలియో, బిగ్ బాస్ ఫేమ్ భోళే షావలి చేతుల మీదుగా మేకర్స్ విడుదల చేశారు.

‘ఏం చేసేటట్టు లేదు.. ఏం చూసేటట్టు లేదు’ అంటూ సాగిన ఈ మాస్ బీట్ ట్రాక్‌ని సంగీత దర్శకుడు భీమ్స్ సిసిరొలియో (Bheems Ceciroleo) కంపోజ్ చేశారు. హీరో చేనాగ్‌తో ఉన్న స్నేహాం కోసం భీమ్స్ ఈ పాటను కంపోజ్ చేసినట్లుగా మేకర్స్ వెల్లడించారు. సురేష్ గంగుల ఈ పాటకు సాహిత్యాన్ని రచించారు. వరం, కీర్తన శర్మ ఆలపించారు. ఈ పాట విన్న ప్రతి ఒక్కరినీ ఇట్టే ఆకర్షిస్తోంది. సినిమాలోని హీరో కారెక్టర్ మీద ఈ పాటను కంపోజ్ చేసినట్టుగా తెలుస్తోంది.

ఇంత వరకు వెండితెరపై రానటువంటి కాన్సెప్ట్‌తో తెరకెక్కుతోన్న ఈ చిత్రానికి సంబంధించి ఇప్పటికే విడుదలైన పాటలు, టీజర్, ట్రైలర్ మంచి స్పందనను రాబట్టుకోవడమే కాకుండా.. సినిమాపై అందరిలోనూ అంచనాలు పెంచేశాయి. అసలీ స్మెల్ బేస్డ్ క్రైమ్ థ్రిల్లర్ ఎలా ఉండబోతుంది? అసలు దీని కథ ఏంటి? అనేది ఈ నవంబర్ 24న అందరికీ తెలియనుంది. ఈ సినిమాలో ఉన్న కంటెంట్ మీద ఉన్న నమ్మకంతో.. కచ్చితంగా సినిమా పెద్ద హిట్ అవుతుందని మేకర్స్ భావిస్తున్నారు. (Perfume Movie Tittle Song Launched)

ఇవి కూడా చదవండి:

====================

*Payal Rajput: బోల్డ్ మూవీ అంటున్నారు కానీ.. సినిమా చూస్తేనే అందులో ఉందేంటో తెలుస్తుంది

*****************************

*Kaathal The Core: రెండు దేశాల్లో మమ్ముట్టి, జ్యోతికల చిత్రం బ్యాన్.. ఎందుకంటే?

*******************************