Liger: ఈ మూవీ రవితేజ సినిమాకి రిమేక్?.. విజయ్ దేవరకొండ రియాక్షన్ ఏంటంటే..

Twitter IconWatsapp IconFacebook Icon
Liger: ఈ మూవీ రవితేజ సినిమాకి రిమేక్?.. విజయ్ దేవరకొండ రియాక్షన్ ఏంటంటే..

టాలీవుడ్ స్టార్ డైరెక్టర్ పూరీ జగన్నాథ్, యువ నటుడు విజయ్ దేవరకొండ (Vijay Deverakonda) కాంబోలో తెరకెక్కిన చిత్రం ‘లైగర్(Liger)’. కరణ్ జోహార్ నిర్మాణంలో తెరకెక్కిన ఈ చిత్రంలో అనన్య పాండే హీరోయిన్‌గా నటించింది. ఆగస్టు 25న విడుదల కానున్న ఈ మూవీ ట్రైలర్, పాటలు ఇప్పటికే విడుదలై మంచి రెస్పాన్స్‌‌ని అందుకుని సినిమా మీద అంచనాలను భారీగా పెంచేశాయి. విడుదల దగ్గర పడుతున్న కొద్ది ఈ మూవీపై రోజుకో వార్త నెట్టింట హల్‌చల్ చేస్తోంది. 


పూరీ జగన్నాథ్, రవితేజ (Ravi Teja) కాంబోలో తెరకెక్కిన మూవీ ‘అమ్మ నాన్న ఓ తమిళ అమ్మాయి’ అని సినిమా వచ్చింది. ఆ సినిమాలో అమ్మ, నాన్న, గర్ల్‌ఫ్రెండ్‌తో హీరోకి ఉన్న రిలేషన్ గురించి, అలాగే.. కిక్ బాక్సింగ్ ఆట ప్రధానంగా సాగుతుంది. లైగర్ మూవీ ట్రైలర్ చూసిన తర్వాత అందులోనూ ఇలాగే కనిపించింది. దీంతో ఈ మూవీ రవితేజ సినిమాకి రిమేక్ అంటూ నెట్టింట ప్రచారం జరిగింది. తాజాగా జరిగిన ఓ ఇంటర్వ్యూలో ఈ రూమర్స్‌పై విజయ్ దేవరకొండ స్పందించాడు.


విజయ్ మాట్లాడుతూ.. ‘అమ్మా నాన్న ఓ తమిళ అమ్మాయి మూవీ అంటే నాకు చాలా ఇష్టం. కానీ దానికి లైగర్‌కి ఏం సంబంధం లేదు. ఎంఎంఏ స్పోర్ట్‌కి బాక్సింగ్‌కి చాలా తేడా ఉంది. ఈ సినిమాలో తల్లీ కొడుకుల బంధం ప్రధాన కాన్సెప్ట్‌గా ఉంటుంది. అలాగే ఈ సినిమాలో చాలా ఇతర అంశాలు ఉన్నాయి. నేను ఎప్పటికీ రీమేక్‌లు చేయను. నిజానికి నాకు రీమేక్‌లు చేయడం ఇష్టం లేదు’ అని చెప్పుకొచ్చాడు.


కొన్ని రోజుల క్రితం పూరీ జగన్నాథ్ సైతం ఈ విషయంపై స్పందించాడు. ఆయన గతంలో దర్శకత్వం వహించిన ‘అమ్మా నాన్న ఓ తమిళ అమ్మాయి’ నుంచి ఎలాంటి సన్నివేశాన్ని ‘లైగర్’లో వాడుకోలేదని పూరీ తెలిపాడు. ఈ రెండు కథలకు చాలా తేడా ఉందని చెప్పుకొచ్చాడు. కాకాపోతే ఈ రెండు సినిమాల్లో సింగిల్ మదర్ కొడుకుని ఇన్‌స్పైర్ చేసే కాన్సెప్ట్ ఉండడం వల్ల రెండింటి కథ ఒకటే అనుకుంటున్నారని ఆయని తెలిపాడు. తెలుగుతోపాటు హిందీ, తమిళం, కన్నడ, మలయాళం భాషల్లో విడుదల కానున్న ఈ మూవీలో రమ్యకృష్ణ, మైక్ టైసన్ కీలకపాత్రల్లో నటించారు.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

BollywoodLatest Telugu Cinema Newsమరిన్ని...

అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.