Samantha విడాకుల వ్యవహారంపై స్పందించిన Vanitha Vijaykumar!

దాదాపు నాలుగేళ్లు ఎంతో అన్యోన్యంగా వైవాహిక జీవితం గడిపిన టాలీవుడ్ స్టార్ కపుల్ నాగచైతన్య, సమంత అందరికీ ఊహించని షాకిచ్చారు. విడాకులు తీసుకుంటున్నట్టు ప్రకటించి టాక్ ఆఫ్ ది ఇండస్ట్రీగా మారారు. చై-సామ్ విడాకుల వ్యవహారంపై సామాన్యులే కాదు సినీ ప్రముఖులు కూడా స్పందిస్తున్నారు. కొందరు సోషల్ మీడియా ద్వారా సమంతపై ట్రోలింగ్‌కు పాల్పడుతున్నారు. 

వారిందరికీ సమంత సోషల్ మీడియా ద్వారా కౌంటర్ ఇచ్చింది. విడాకుల వ్యవహారంలో అనవసరంగా తనను వేధించవద్దని పోస్ట్ పెట్టింది. ఈ పోస్ట్‌పై తమిళ నటి వనితా విజయ్ కుమార్ స్పందించింది. సమంతకు మద్దతుగా నిలిచింది. `సమాజం అనేది అవాస్తవం సమంత. దానిని పట్టించుకోనవసరం లేదు. నీ బతుకు నువ్వు బతుకు. జీవితం అనేది చాలా విలువైనది. జరిగే ప్రతి విషయం వెనుక ఓ కారణం ఉంటుంది. ధైర్యంగా ముందుకెళ్లు. నీకు మరింత బలం చేకూరాల`ని వనిత కామెంట్ చేసింది.