విలన్‌ని పెళ్లి చేసుకోబోతున్న టాలీవుడ్ హీరోయిన్..?

మోడల్‌గా కెరీర్ ఆరంభించి అనంతరం హీరోయిన్‌గా మారిన అందాల భామ విమలా రామన్. మలయాళం ఇండస్ట్రీలో తొలుత నటిగా ప్రయాణాన్ని ఆరంభించింది. ‘గాయం-2’, ‘చట్టం’, ‘ఎవరైనా.. ఎపుడైనా’ తదితర చిత్రాలతో టాలీవుడ్ ప్రేక్షకులకు చేరువైంది. విమలా రామన్‌కు సంబంధించిన ఓ వార్త కోలీవుడ్ ఇండస్ట్రీలో తెగ హల్‌చల్ చేస్తోంది. ఆమె త్వరలోనే పెళ్లి చేసుకోబోతున్నట్టు తెలుస్తోంది. 

వినయ్ రాయ్ అనే తమిళ నటుడిని విమలా రామన్ ప్రేమిస్తోంది. గత కొన్నేళ్లుగా అతడితో డేటింగ్ చేస్తుంది. ఈ లవ్‌బర్డ్స్ తమ బంధాన్ని మరో మెట్టు ఎక్కించాలని నిర్ణయించుకున్నారట. ఈ నేపథ్యంలోనే పెళ్లి చేసుకోవాలని నిర్ణయించుకున్నారని కోలీవుడ్ మీడియాలో గుసగుసలు వినిపిస్తున్నాయి. వినయ్ రాయ్, విమలా రామన్ పలు మార్లు జంటగా మీడియా కంట కూడా పడ్డారు. మాల్దీవుల్లో హాలీడేను ఎంజాయ్ చేస్తున్న ఫొటోలను ఈ లవ్ బర్డ్స్ సోషల్ మీడియాలో అనేకసార్లు వేర్వేరుగా అభిమానులతో పంచుకున్నారు. వీరిద్దరూ త్వరలోనే వివాహమాడనున్నారని ఈ జంటతో సన్నిహితంగా మెలిగే వారు తెలుపుతున్నారు. పెళ్లి జరిగే తేదీని అధికారికంగా ప్రకటిస్తారట. అయితే.. ఈ జంట పెళ్లి చేసుకుంటరా లేదా అనేది మాత్రం తెలియాలంటే కొంతకాలం వేచి చూడాల్సిందే. వినయ్ రాయ్ ‘డిటెక్టివ్’, ‘చంద్రకళ’, ‘వరుణ్ డాక్టర్’ తదితర సినిమాల్లో విలన్‌గా నటించాడు.