RRR, బీస్ట్, ఆచార్య OTTలోకి వచ్చేది ఎప్పుడంటే..
ABN , First Publish Date - 2022-05-05T16:29:30+05:30 IST
సినిమాలు ప్రకటించినప్పటి నుంచి ఎంతో బజ్ క్రియేటైన సౌత్ మూవీస్లో ‘ఆర్ఆర్ఆర్’, ‘బీస్ట్’, ‘ఆచార్య’...
సినిమాలు ప్రకటించినప్పటి నుంచి ఎంతో బజ్ క్రియేట్ చేసుకున్న సౌత్ మూవీస్ ‘ఆర్ఆర్ఆర్’, ‘బీస్ట్’, ‘ఆచార్య’. ఇటీవలే విడుదలైన ఈ సినిమాలు బజ్కి తగ్గట్టుగానే అభిమానులను సినీ లవర్స్ని థియేటర్స్లో ఎంటర్టైన్ చేశాయి. థియేటర్స్లో చూడని వారికోసం ఈ క్రేజీ మూవీస్ త్వరలో ఓటీటీలో వచ్చేందుకు రెడీ అవుతున్నాయి.
బీస్ట్..
తమిళ నటుడు విజయ్, పూజా హెగ్డే జంటగా నటించిన చిత్రం ‘బీస్ట్’. శివకార్తికేయన్ ‘వరుణ్ డాక్టర్’ సినిమాతో తెలుగులోనూ గుర్తింపు పొందిన నెల్సన్ దిలీప్ కుమార్ దర్శకత్వం వహించిన ఈ చిత్రం గత నెలలో విడుదలై మిక్స్డ్ టాక్ సొంతం చేసుకుంది. ఈ చిత్రం మే 11న ప్రముఖ ఓటీటీ ప్లాట్ఫామ్ నెట్ఫ్లిక్స్లో విడుదల కానుంది. ఈ విషయాన్ని నెట్ఫ్లిక్స్ ఇండియా ఇటీవలే సోషల్ మీడియా వేదికగా ప్రకటించింది.
RRR..
రాజమౌళి దర్శకత్వంలో రామ్చరణ్, జూనియర్ ఎన్టీఆర్ నటించిన మూవీ ‘ఆర్ఆర్ఆర్’. పాన్ ఇండియా స్థాయిలో విడుదలైన ఈ సినిమా ప్రపంచవ్యాప్తంగా కోట్ల రుపాయలను కొల్లగొట్టింది. బాక్సాఫీస్ వద్ద బ్లాక్ బస్టర్ అని నిరూపించుకున్న ఈ చిత్రం త్వరలో ఓటీటీలో ప్రేక్షకులని అలరించడానికి సిద్ధమవ్వుతోందని సమాచారం. అయితే.. ఈ మూవీ తెలుగు, తమిళం, కన్నడ, మలయాళంలో జీ5లో విడుదల కానుండగా.. హిందీలో మాత్రం నెట్ఫ్లిక్స్లో ఒకేసారి మే 20న రానున్నట్లు వార్తలు వినిపిస్తున్నాయి.
ఆచార్య..
మెగాస్టార్ చిరంజీవి హీరోగా, రామ్ చరణ్ ప్రధానపాత్రలో నటించిన చిత్రం ‘ఆచార్య’. ఇటీవలే విడుదలైన ఈ చిత్రం డివైడ్ టాక్ని సొంతం చేసుకుంది. విడుదలై నెల కూడా గడవక ముందే మే 27, 2022న అమెజాన్ ప్రైమ్ వీడియోలో విడుదల కాబోతున్నట్లు ప్రచారం జరుగుతోంది.