విజయదశమికి ‘ద ఘోస్ట్‌’
ABN , First Publish Date - 2022-08-20T05:30:00+05:30 IST
నాగార్జున అక్కినేని నటించిన ‘ద ఘోస్ట్‌’ చిత్రం విజయదశమి సందర్భంగా అక్టోబర్‌ 5న విడుదల కానుంది. భావోద్వేగాలతో
నాగార్జున అక్కినేని నటించిన ‘ద ఘోస్ట్‌’ చిత్రం విజయదశమి సందర్భంగా అక్టోబర్‌ 5న విడుదల కానుంది. భావోద్వేగాలతో కూడిన ఈ యాక్షన్‌ థ్రిల్లర్‌లో సోనాల్‌ చౌహాన్‌ కథానాయిక. గుల్‌ పనాగ్‌, అనిఖా సురేంద్రన్‌ కీలక పాత్రలు పోషిస్తున్నారు. నాగార్జున ఇంటర్‌ పోల్‌ ఆఫీసర్‌గా నటిస్తున్న ఈ చిత్రానికి ప్రవీణ్‌ సత్తారు దర్శకుడు. ఈ నెల 25న ఈ చిత్రం ట్రైలర్‌ను విడుదల చేయనున్నారు. ఈ సందర్భంగా నాగార్జున ఉపయోగించే కత్తి గురించి వివరిస్తూ ఓ ప్రోమోను విడుదల చేశారు. ట్రైలర్‌లో మరికొన్ని యాక్షన్‌ సన్నివేశాలు చూడవచ్చని చిత్ర బృందం పేర్కొంది. నారాయణ్‌ దాస్‌ నారంగ్‌, పుస్కుర్‌ రామ్‌మోహన్‌రావు, శరత్‌ మరార్‌ ఈ చిత్రానికి నిర్మాతలు.