Stranger Things మ్యూజిక్‌కు ఇండియన్ ట్విస్ట్ ఇచ్చిన Ilaiyaraaja

Twitter IconWatsapp IconFacebook Icon

ఓటీటీ దిగ్గజం నెట్‌ఫ్లిక్స్ (Netflix) రూపొందించిన వెబ్‌సిరీస్ ‘స్ట్రేంజర్ థింగ్స్’ (Stranger Things). సైన్స్ ఫిక్షన్, హార్రర్ జోనర్‌లో వచ్చిన ఈ షో ఘన విజయాన్ని సాధించింది. ఎక్కువ మంది చూసిన వెబ్‌సిరీస్‌గా రికార్డు సృష్టించింది. ఈ షోను 1980దశాబ్దం నేపథ్యంలో తెరకెక్కించారు. కథ విషయానికి వస్తే.. హాకిన్స్ అనే పట్టణంలో ఓ బాలుడు కనిపించకుండా పోతాడు. అదే సమయంలో ఓ బాలిక ఆ పట్టణానికీ వస్తుంది. ఆ బాలుడిని కనిపెట్టడం కోసం అతడి తల్లి, స్నేహితులు చేసిన ప్రయత్నాలను ఈ వెబ్‌సిరీస్‌లో చూడవచ్చు. అతీంద్రియ శక్తులు, రాక్షస జీవులతో వారు చేసే పోరాటలను సైతం ఈ వెబ్‌సిరీస్‌లో వీక్షించవచ్చు. ఈ సిరీస్‌లో ఇప్పటికే మూడు సీజన్స్ వచ్చి భారీ విజయాన్ని సాధించాయి. ‘స్ట్రేంజర్ థింగ్స్’ నాలుగో సీజన్ మే 27నుంచి నెట్‌ఫ్లిక్స్‌లో స్ట్రీమింగ్ కానుంది. ఈ నేపథ్యంలో భారతీయ ప్రేక్షకులను ఓటీటీ ప్లాట్‌ఫాం సర్‌ప్రైజ్ చేసింది.


‘స్ట్రేంజర్ థింగ్స్’ థీమ్ మ్యూజిక్‌కు ప్రపంచవ్యాప్తంగా అభిమానులున్నారు. ఆ మ్యూజిక్ 1980వ దశకంలోకి మనల్ని తీసుకువెళుతుంది. ఈ వెబ్‌సిరీస్ నాలుగో సీజన్ వీక్షకులకు అందుబాటులోకి రాబోతుండటంతో మ్యూజిక్ కంపోజర్ ఇళయ రాజా(Ilaiyaraaja)తో కలసి నెట్‌ఫ్లిక్స్ భారతీయులను సర్‌ప్రైజ్ చేసింది. మ్యూజిక్ మ్యాస్ట్రో సొంత శైలిలో ఈ థీమ్ మ్యూజిక్‌ని మన ముందుకు తీసుకు వచ్చారు. ఈ మ్యూజిక్ వీడియోను నెట్‌ఫ్లిక్స్ సోషల్ మీడియా వేదికగా అభిమానులతో పంచుకుంది. ‘‘మ్యాస్ట్రో ఇళయరాజా వెర్షన్‌ ‘ద స్ట్రేంజర్ థింగ్స్’ థీమ్ మ్యూజిక్‌ను మీ ముందుకు తీసుకువస్తున్నాం. తెలుగు, తమిళ్‌లో ఈ షో త్వరలోనే ప్రేక్షకులకు అందుబాటులోకి రానుంది’’ అని ఓటీటీ ప్లాట్‌ఫాం పేర్కొంది. ద డఫర్ బ్రదర్స్ (The Duffer Brothers) ‘స్ట్రేంజర్ థింగ్స్’ను క్రియేట్ చేశారు.


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.