SS Rajamouli: దర్శకధీరుడు రాజమౌళి వదిలిన ‘ఓ కల’ ఫస్ట్ లుక్
ABN , First Publish Date - 2022-05-07T23:41:04+05:30 IST
ఎటిర్నిటి ఎంటర్టైన్మెంట్, అహం అస్మి ఫిల్మ్స్ బ్యానర్లపై గౌరీశ్ యేలేటి (Gourish Yeleti), రోషిణి దేశాయ్ (Roshni Desai), ప్రాచీ ఠాకూర్ (Prachi Thakur) హీరోహీరోయిన్లుగా దీపక్ కొలిపాక
ఎటిర్నిటి ఎంటర్టైన్మెంట్, అహం అస్మి ఫిల్మ్స్ బ్యానర్లపై గౌరీశ్ యేలేటి (Gourish Yeleti), రోషిణి దేశాయ్ (Roshni Desai), ప్రాచీ ఠాకూర్ (Prachi Thakur) హీరోహీరోయిన్లుగా దీపక్ కొలిపాక (Deepak Kolipaka) దర్శకత్వంలో లక్ష్మీ నవ్య మోతూరు (Lakshmi Navya Moturu), రంజిత్ కుమార్ కొడాలి (Ranjith Kumar Kodali), ఆదిత్య రెడ్డి(Aditya Reddy) నిర్మిస్తున్న చిత్రం ‘ఓ కల’ (O Kala). ఈ చిత్ర ఫస్ట్ లుక్ను శనివారం హైదరాబాద్ ప్రసాద్ ల్యాబ్స్లో జరిగిన కార్యక్రమంలో.. దర్శకధీరుడు ఎస్.ఎస్. రాజమౌళి (SS Rajamouli) విడుదల చేశారు.
ఫస్ట్ లుక్ విడుదల అనంతరం రాజమౌళి మాట్లాడుతూ.. ‘‘ఓ కల మూవీ ఫస్ట్ లుక్ చాలా ఆకర్షణీయంగా ఉంది. ఇందులోనే సినిమా ఎలా ఉండబోతుందో అర్థమవుతుంది. దర్శకుడు దీపక్ కొలిపాక ఈ చిత్రాన్ని అద్భుతంగా తెరకెక్కిస్తున్నారని భావిస్తున్నాను. సినిమా అనేది ప్రతి ఒక్కరి ‘కల’ (Dream). ఈ చిత్రంతో మీరంతా ఆ కలను నెరవేర్చుకున్నారు. ఇంకా ఎందరో ఈ కలతో బతుకుతున్నారు. గట్టిగా కృషి చేస్తే అలాంటి వారందరి కల నెరవేరుతుంది. ఈ చిత్రానికి పనిచేసిన నటీనటులకు, సాంకేతిక నిపుణులకు, నిర్మాతలకు శుభాకాంక్షలు తెలియజేస్తున్నాను..’’ అని తెలిపారు.
ఈ సందర్భంగా దర్శకుడు దీపక్ కొలిపాక మాట్లాడుతూ.. ‘‘తెలుగు సినిమాకి ప్రపంచ స్థాయి గుర్తింపుని తీసుకువచ్చిన మన దర్శకధీరుడు రాజమౌళిగారి చేతుల మీదుగా ఫస్ట్ లుక్ విడుదలవడం నిజంగా ఎంతో సంతోషంగా ఉంది. ఆయన ఆశీస్సులు మాకు ఎంతో బలాన్నిచ్చాయి. ఆయనెప్పుడు ఇలా డైరెక్టర్స్కి స్పూర్తిగానే నిలుస్తుండాలని కోరుకుంటున్నాను. సినిమా విషయానికి వస్తే.. ఒక మంచి కథని తెలుగు ప్రేక్షకులకు చెప్పే అవకాశం ఇచ్చిన నిర్మాతలకు నా ధన్యవాదాలు. వారిచ్చిన ప్రోత్సాహం మరువలేనిది. హీరో హీరోయిన్లు, ఇతర నటీనటులు, సాంకేతిక నిపుణులు అందరూ ఎంతగానో సహకరిస్తున్నారు. అన్ని కమర్షియల్ ఎలిమెంట్స్తో.. ఔట్ అండ్ ఔట్ ఎంటర్టైనర్గా ఉండబోతున్న ఈ చిత్రం ప్రేక్షకులకు ఖచ్చితంగా నచ్చుతుందని చెప్పగలను..’’ అని తెలిపారు. ఇంకా ఈ కార్యక్రమంలో ‘హిట్’ (Hit) సినిమా దర్శకుడు శైలేష్ కొలను (Sailesh Kolanu)తో పాటు చిత్రయూనిట్ మొత్తం పాల్గొంది.