Shekar Movie: రాజశేఖర్ ఆవేదన!
ABN , First Publish Date - 2022-05-22T22:28:18+05:30 IST
రాజశేఖర్ హీరోగా జీవితా రాజశేఖర్ దర్శకత్వం వహించిన ‘శేఖర్’ చిత్రం ఇటీవల విడుదలై పాజిటివ్ టాక్ తెచ్చుకుంది. ప్రస్తుతం ఈ చిత్రం సమస్యల్లో చిక్కుతుంది. బాగా ఆడుతున్న సినిమాను నిలిపేయాలంటూ సిటీ సివిల్ కోర్టు ఆదేశాలు జారీ చేసింది. జీవితా రాజశేఖర్ అప్పు తీసుకున్న రూ. 65 లక్షలు తిరిగి చెల్లించలేదని ఫైనాన్షియర్ పరంధామరెడ్డి కోర్టును ఆశ్రయించారు.
రాజశేఖర్(Raj sekhar) హీరోగా జీవితా రాజశేఖర్ దర్శకత్వం వహించిన ‘శేఖర్’ చిత్రం ఇటీవల విడుదలై పాజిటివ్ టాక్ తెచ్చుకుంది. ప్రస్తుతం ఈ చిత్రం సమస్యల్లో చిక్కుతుంది. బాగా ఆడుతున్న సినిమాను నిలిపేయాలంటూ సిటీ సివిల్ కోర్టు ఆదేశాలు జారీ చేసింది. జీవితా రాజశేఖర్ (Jeevitha rajashekar)అప్పు తీసుకున్న రూ. 65 లక్షలు తిరిగి చెల్లించలేదని ఫైనాన్షియర్ పరంధామరెడ్డి కోర్టును ఆశ్రయించారు. ఆ పిటిషన్ విచారణకు స్వీకరించిన కోర్టు ‘శేఖర్’ సినిమా ప్రదర్శన నిలిపివేయాలంటూ ఆదేశాలు జారీ చేసింది. ఈ నేపథ్యంలో హీరో రాజశేఖర్ స్పందించారు. ‘‘శేఖర్’ సినిమా నాకు, నా కుటుంబానికి చాలా కీలకం. ఈ సినిమాను ప్రేక్షకుల ముందుకు తీసుకురావడానికి ఎంతో కష్టపడ్డాం. విడుదలయ్యాక సినిమాకు మంచి స్పందన వస్తోంది. ఈ సమయంలో కొందరు కుట్ర చేసి మా సినిమా ప్రదర్శన అడ్డుకుంటున్నారు. సినిమా అనేది మా ప్రాణం. అందులోనూ ఎంతో కష్టపడిన ఈ చిత్రం చాలా ప్రత్యేకం. ఇంతకు మించి చెప్పడానికి ఏమీలేదు. ఎవరెన్ని చేసిన ఈ సినిమా బాగా ఆడుతూ ప్రేక్షకుల ప్రశంసలు అందుకుంటుదనీ, ఆ అర్హత ఈ చిత్రానికి ఉంది’’ అని రాజశేఖర్ ట్విట్టర్లో పేర్కొన్నారు.