Samantha Ruth Prabhu: ఆ ప్రాజెక్టు కోసం హిందీలో శిక్షణ

Twitter IconWatsapp IconFacebook Icon
Samantha Ruth Prabhu: ఆ ప్రాజెక్టు కోసం హిందీలో శిక్షణ

నాగ చైతన్య (Naga Chaitanya) తో విడాకుల ప్రకటన తర్వాత సమంత రుత్ ప్రభు (Samantha Ruth Prabhu) వరుసగా సినిమాలను ఓకే చేస్తుంది. ముఖ్యంగా కథానాయిక ప్రాధాన్యం ఉన్న చిత్రాలకు సై అంటుంది. కొత్త చిత్రాల కోసం తెగ కష్టపడుతుంది. సామ్ కొన్ని రోజుల క్రితం అమెరికాకు వెళ్లి నిపుణుల సమక్షంలో యాక్షన్ సన్నివేశాల కోసం శిక్షణ తీసుకుంది. కఠినమైన డైట్‌ను కూడా ఫాలో అయిందని మీడియాలో కథనాలు వెలువడ్డాయి. తాజాగా సమంతకు సంబంధిన ఓ అప్‌డేట్ బీ టౌన్‌లో హల్‌చల్ చేస్తుంది. అదేంటంటే..  


సమంత రుత్ ప్రభు ఓ వెబ్‌సిరీస్‌లో నటిస్తున్న సంగతి తెలిసిందే. బాలీవుడ్ హీరో వరుణ్ ధావన్ (Varun Dhawan) కీలక పాత్ర పోషిస్తున్నాడు. ‘సిటాడెల్’ (Citadel) కు రీమేక్‌గా ఈ వెబ్‌సిరీస్ రూపొందుతుంది. రుస్సో బ్రదర్స్ నిర్మిస్తున్నారు. యాక్షన్ అడ్వెంచర్‌గా ఈ ప్రాజెక్టు తెరకెక్కుతుంది. ఫ్యామిలీ మ్యాన్ మేకర్స్ రాజ్ నిడిమోరు, కృష్ణ డీకే వెబ్‌సిరీస్‌కు దర్శకత్వం వహిస్తున్నారు. ఈ ప్రాజెక్టులో స్పై పాత్రలో సామ్ కనిపించనుందని సమాచారం. పాత్ర కోసం ఆమె హిందీలో శిక్షణ తీసుకుంటుందని తెలుస్తోంది. ప్రత్యేకంగా ట్యూటర్‌ను పెట్టుకుని భాష నేర్చకుంటుందట. ఆ ట్యూటర్ గతంలో అనేక మంది బాలీవుడ్ సెలబ్రిటీలకు హిందీలో శిక్షణ ఇచ్చాడట. ‘సిటాడెల్’ అమెరికన్ వెబ్‌సిరీస్. ప్రియాంక చోప్రా, రిచర్డ్ మ్యాడెన్ కీలక పాత్రలు పోషించారు. వచ్చే ఏడాది ప్రారంభంలో ఈ వెబ్‌సిరీస్ స్ట్రీమింగ్ కానుంది. ప్రస్తుతం సమంత చేతిలో అనేక ప్రాజెక్టులున్నాయి. ‘శాకుంతలం’ (Shaakuntalam) షూటింగ్‌ను ఎప్పుడో పూర్తి చేసింది. ఈ సినిమా నవంబర్ 4న ప్రపంచవ్యాప్తంగా విడుదల కానుంది. ‘యశోద’, ‘ఖుషి’ (Kushi) వంటి చిత్రాలు చేస్తుంది. 

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.