బాలీవుడ్ ఎంట్రీపై ఆరాటపడడం లేదు: సాయిపల్లవి
ABN , First Publish Date - 2021-12-31T03:42:16+05:30 IST
తెలుగు, తమిళ చిత్రసీమల్లో ప్రత్యేక క్రేజ్తో పాటు గుర్తింపును సొంతం చేసుకున్న హీరోయిన్ సాయిపల్లవి బాలీవుడ్లో అడుగుపెట్టేందుకు ప్రయత్నాలు మొదలుపెట్టిందనే వార్తలు సోషల్ మీడియాలో చక్కర్లు కొడుతున్నాయి. కానీ
తెలుగు, తమిళ చిత్రసీమల్లో ప్రత్యేక క్రేజ్తో పాటు గుర్తింపును సొంతం చేసుకున్న హీరోయిన్ సాయిపల్లవి బాలీవుడ్లో అడుగుపెట్టేందుకు ప్రయత్నాలు మొదలుపెట్టిందనే వార్తలు సోషల్ మీడియాలో చక్కర్లు కొడుతున్నాయి. కానీ, ఈ వార్తలపై ఆమె ఎప్పుడూ స్పందించలేదు. ఈ నేపథ్యంలో టాలీవుడ్ హీరో నానితో కలిసి ‘శ్యామ్ సింగరాయ్’ అనే మూవీలో దేవదాసి పాత్రలో సాయిపల్లవి అద్భుతంగా నటించింది. ఈ చిత్రంలో ఆమె నటనను ప్రతి ఒక్కరూ అభినందిస్తున్నారు.
కోల్కతా నేపథ్యంలో సాగే ఈ కథ ఉత్తర భారతీయులకు బాగా కనెక్ట్ అయ్యిందని, సాయిపల్లవి గురించి ఉత్తరాది ప్రేక్షకులు కూడా మాట్లాడుకుంటున్నారనేలా టాక్ నడుస్తోంది. దీంతో ఆమె బాలీవుడ్లో ఎంట్రీ ఇస్తుందనే ప్రచార జోరు ఎక్కువైంది. అయితే ఈ వార్తలపై ఆమె తాజాగా స్పందిస్తూ ‘బాలీవుడ్ చిత్రాల్లో నటించేందుకు నేను సిద్ధంగా ఉన్నాను. అయితే స్ర్కిప్టు ఎంతో ముఖ్యం. పైగా ఇప్పటికిప్పుడు బాలీవుడ్లోకి అడుగుపెట్టలేను. నాకు మంచి కథతో పాటు కథాపాత్ర ఎంతో అవసరం’ అని వివరించింది.