Saakini Daakini Review: ఫర్వాలేదు అనిపించే శాకినీ డాకినీ!

Twitter IconWatsapp IconFacebook Icon
Saakini Daakini Review: ఫర్వాలేదు అనిపించే శాకినీ డాకినీ!

సినిమా రివ్యూ: శాకినీ డాకినీ(Saakini Daakini Review)

నటీనటులు: రెజినా(Rejina), నివేధా థామస్‌ (Niveda thomas), భానుచందర్‌, పృథ్వి, రఘుబాబు, కబీర్‌ సింగ్‌ తదితరులు. 

సినిమాటోగ్రఫీ: రిచర్డ్‌ ప్రసాద్‌

సంగీతం: 

దర్శకుడు: సుధీర్‌ వర్మ(Sudhir varma)

నిర్మాత: D. sureshbabu, సునీత తాటి, హ్యుంవు థామస్‌ కిమ్‌ 

- సురేష్‌ కవిరాయని 

సురేష్‌ ప్రొడక్షన్‌ లాంటి పెద్ద సంస్థ ఈసారి సునీత తాటితో చేతులు కలిపి కొరియన్‌ సినిమా ‘మిడ్‌ నైట్‌ రన్నర్స్‌’ను తెలుగులో ‘శాకినీ డాకినీ’గా రీమేక్‌ చేశారు. రెజీనా, నివేదా థామస్‌ కీలక పాత్రలు పోషించారు. ఇది లేడీ ఓరియెంటెడ్‌ సినిమా. ఇందులో హీరో లేరు. ఈ సినిమా ప్రమోషన్స్‌ కొంచెం ఎక్కువ చెయ్యడంతో ఈ సినిమా మీద ఆసక్తి కలిగింది. సుధీర్‌ వర్మ ఈ సినిమాకి దర్శకుడు, కానీ తను ఎక్కడా ఏ సినిమా గురించి మాట్లాడకపోవడం మీద వివాదం వచ్చింది. చివర్లో ఏవో చిన్న చిన్న సీన్స్‌ మిగిలిపోతే  ఆనంద్‌ రంగా చేశాడని  అని అంటారు. మరి ఈ చిత్రం ఎలా ఉందో చూద్దాం. (Saakini Daakini Review)


కథ: 

దామిని (రెజీనా కాసాండ్రా ), షాలిని (నివేదా థామస్‌)లను పోలీస్‌ ట్రైనింగ్‌ కోసం అకాడమీలో జాయిన్‌ అవుతారు. మొదట్లో ఈ ఇద్దరి మధ్య ఎప్పుడూ గొడవలే.  ఇద్దరూ ఒకే రూమ్‌లో ఉంటూ ఒకరి మీద ఒకరు ఎప్పుడూ ఫిర్యాదులు చేసుకుంటూ ఒకరు తప్పు చేసి దొరికేటట్లు ఇద్దరూ ప్రయత్నం చేస్తుంటారు. ఇంత వివాదాలున్న ఈ ఇద్దరు ట్రైనింగ్‌ సెషన్‌లో ఒకరికి ఒకరు సాయపడి ఆ తరువాత మంచి ేస్నహితులుగా మారిపోతారు. అలాంటి సమయంలో వారిద్దరు ఒక అర్థరాత్రి సమయంలో సరదాగా బార్‌కి వెళ్లి ఆ తరువాత క్యాంపు కి తిరిగి వస్తున్న సమయంలో  ఒక అమ్మాయి కిడ్నాప్‌ అవటం గమనిస్తారు. వెంటనే పోలీసులకు తెలియజేసినా వాళ్ళు పట్టించుకోరు. వాళ్ళ అకాడమీ బాస్‌ కి చెప్పిన అతనూ పట్టించుకోడు. ఇంకా ఆ అమ్మాయిని రక్షించే ప్రయత్నం ఈ ఇద్దరు ట్రైనీ పోలీసులు తమ భుజాన వేసుకుంటారు. వాళ్ళు విచారణ మొదలు పెట్టాక  తేలింది ఏంటి అంటే ఆ అమ్మాయి కిడ్నాప్‌ వెనకాల ఒక భయంకర ముఠా ఉందని, ఆ అమ్మాయే కాదు.. అలా చాలామంది వున్నారని తెలుసుకుంటారు. ఆ ఇద్దరు ఎలా అందరిని ఆ ముఠా నుండి విడిపిస్తారు వీరిద్దరూ ఎలా బయట  పడతారు తరువాత ఏం జరుగుతుంది అన్నదే మిగతా కథ. (Saakini Daakini Review)


Saakini Daakini Review: ఫర్వాలేదు అనిపించే శాకినీ డాకినీ!

విశ్లేషణ: 

దీనికి దర్శకుడుగా సుధీర్‌వర్మ పేరు వెయ్యడంతో అంతే దర్శకత్వం చేశాడని అనుకుందాం. ఈ సినిమా ఒక సున్నితమైన కథాంశంతో ముడిపడి ఉంది. అనాధలుగా వున్నా అమ్మాయిలను కిడ్నాప్‌ చేసి వాళ్ళకి సంబందించినవి అన్నీ కూడా మెడికల్‌గా అమ్మి డబ్బులు చేసుకునే ఒక మాఫియా ముఠా వుంది. ఇద్దరు ట్రైనీ ఆడ పోలీసులు ఈ ముఠాని పట్టుకోవడానికి బయలుదేరారు. ఇది మంచి కథే. అయితే దర్శకుడు ఇక్కడ కొంచెం లాజిక్స్‌ని మిస్‌  అయిపోయాడు. అలాగే చాలా సన్నివేశాలు మామూలుగా వున్నాయి, అంటే సినిమాటిక్‌ గా పెట్టేశారు. కథ మీద ఇంకాస్త వర్క్‌ చేసి ఉంటే మంచి యాక్షన్‌ సినిమా అయ్యేది. అక్కడక్కడా కొన్ని మంచి సీన్స్‌ తప్పితే సినిమా మొత్తం సాదాసీదాగా నడుస్తుంది. ఆ ఇద్దరు అమ్మాయిలు పోలీస్‌ అకాడమీ ఎందుకు ఎలా చేరారు అన్నది చెప్పలేదు. వాళ్ళిద్దరిని డైరెక్ట్‌గా అకాడమీలో చేర్చేశారు. అలాగే చాలా సీన్స్‌ లో నేచురాలిటీ కి తగ్గట్టుగా లేవు. కథ మీద ఇంకా బాగా దృష్టి పెడితే బాగా వచ్చేది. సుధీర్‌ వర్మ కొంచెం, మిగతాది ఆనంద్‌ రంగా అనే దర్శకుడు తీశాడు అని అంటున్నారు. మరి అది  ఎంతవరకు నిజమో తెలీదు. కానీ ఆ ప్రభావం సినిమా మీద పడిందేమో అన్న అనుమానం వస్తుంది. ఎందుకంటే సినిమాలో ఎమోషనల్‌ కంటెంట్‌ లేదు. ఇంకా నటీనటుల విషయానికి వస్తే..  రెజీనా, నివేదా ఇద్దరూ బాగా చేశారు. వాళ్లిద్దరే సినిమాని తమ భుజస్కంధాలనూ వేసుకుని ముందుకు తీసుకెళ్లారు అనిపిస్తుంది. పోరాట సన్నివేశాల్లో కూడా ఇద్దరూ బాగా నిరూపించుకున్నారు. నివేత తెలంగాణ భాష బాగా మాట్లాడింది. ఈ సినిమాకి ఈ ఇద్దరే హీరోస్‌.  భానుచందర్‌ అకాడమీ డైరెక్టర్‌గా బాగా సూట్‌ అయ్యాడు. అలాగే రఘు బాబు, పృథ్వీ కామెడీ బాగుంది. సినిమాటోగ్రఫీ ఫర్వాలేదు. మ్యూజిక్‌ గురించి ఎంత తక్కువ మాట్లాడితే అంత మంచిది. డైలాగ్స్‌ కూడా అక్కడక్క పరవాలేదు. 

ఈ శాకినీ డాకినీ అనే సినిమా ఒక సున్నితమయిన కథాంశం. కానీ ఇందులో ఎమోషనల్‌ సన్నివేశాలు లేవు, అలాగే లాజిక్స్‌ కూడా మిస్‌. దీన్ని ఇంకా బాగా తీయొచ్చు. అలాగే సినిమా క్వాలిటీ కూడా అంత పెద్దగా అనిపించదు. కానీ రెజినా, నివేదా ఇద్దరూ బాగా చేస?రు, వాళ్ళ కోసం, అక్కడక్కడ ఉన్న కామెడీ కోసం ఈ సినిమాని చూడొచ్చు. ఇది ఒక టైం పాస్‌ మూవీ. ఓటీటీ కోసం తీసిన సినిమాలా అనిపిస్తుంది. కానీ ఎందుకో మరి థియేటర్స్‌లో విడుదల చేశారు. (Saakini Daakini Review)


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.