బాలీవుడ్ ను వివేక్ వుడ్ గా మార్చిన ‘కశ్మీర్ ఫైల్స్’
ABN , First Publish Date - 2022-03-16T22:29:09+05:30 IST
ఈ నెల 11న బాలీవుడ్ లో విడుదలైన ‘ద కశ్మీర్ ఫైల్స్’ చిత్రానికి సర్వత్రా ప్రశంసలు దక్కుతున్నాయి. సినిమా చూసిన ప్రతీ ఒక్కరూ ఎంతో ఎమోషనల్ గా ఫీలవుతున్నారు. 1990 లో కశ్మీర్ పండిట్లపై మిలిటెంట్ల ఊచకోత నేపథ్యంలో అత్యంత
ఈ నెల 11న బాలీవుడ్ లో విడుదలైన ‘ద కశ్మీర్ ఫైల్స్’ చిత్రానికి సర్వత్రా ప్రశంసలు దక్కుతున్నాయి. సినిమా చూసిన ప్రతీ ఒక్కరూ ఎంతో ఎమోషనల్ గా ఫీలవుతున్నారు. 1990 లో కశ్మీర్ పండిట్లపై మిలిటెంట్ల ఊచకోత నేపథ్యంలో అత్యంత సహజంగా రూపొందిన ఈ సినిమాకి దర్శకుడు వివేక్ అగ్నిహోత్రి. అనుపమ్ ఖేర్, పల్లవిజోషి తదితరులు ముఖ్యపాత్రలు పోషించిన ఈ సినిమా చాలా పెద్ద కమర్షియల్ సక్సెస్ దిశగా దూసుకుపోతోంది. అలాంటి ఈ సినిమా దర్శకుడు వివేక్ అగ్నిహోత్రిని హృదయపూర్వకంగా ప్రశంసిస్తూ ట్వీట్ల వర్షం కురిపించారు వివాదాల దర్శకుడు రామ్ గోపాల్ వర్మ .
‘‘వివేక్ రంజన్ అగ్నిహోత్రి ఎంతో వివాదాస్పదమైన ‘ది కశ్మీర్ ఫైల్స్’ చిత్రాన్ని ధైర్యంగా తెరకెక్కించారు. ఈ సినిమాతో ఆయన బాలీవుడ్ పరిశ్రమను పక్కకు నెట్టేసి కొత్త రకం ఫిల్మ్ మేకర్స్ ను సృష్టించే విధంగా వివేక్ వుడ్ ను తీసుకొచ్చారు. ఈ సినిమా కమర్షియల్ గా విజయం సాధించడం కంటే కొత్త తరం ఫిల్మ్ మేకర్స్ రావడం అనేది ఎంతో గొప్ప విజయం’’ అంటూ వర్మ తనదైన శైలిలో వివేక్ అగ్రిహోత్రిని ఆకాశానికెత్తేశారు. అలాగే.. మరి కొన్ని ట్వీట్స్ తో ఈ సినిమాని, వివేక్ ను అదేపనిగా ప్రశంసిస్తూ ట్వీట్ల వర్షం కురిపించారు వర్మ.