Bahubali 3: బాహుబలి 2లోనే హింట్ ఇచ్చాడుగా.. చివరిలో ఇది విన్నారా?

Twitter IconWatsapp IconFacebook Icon
Bahubali 3: బాహుబలి 2లోనే హింట్ ఇచ్చాడుగా.. చివరిలో ఇది విన్నారా?

తెలుగు సినిమా చరిత్ర గతిని మార్చిన సినిమా ‘బాహుబలి’. దర్శక ధీరుడు ఎస్‌ఎస్ రాజమౌళి క్రియేట్ చేసిన ఈ మూవీ టాలీవుడ్ స్టార్‌గా ఉన్న ప్రభాస్‌ని పాన్ ఇండియా స్టార్‌గా చేసింది. అనంతరం వచ్చిన రెండో పార్టు ‘బాహుబలి: ది కన్‌క్లూజన్’ రికార్డుల గురించి ప్రత్యేకంగా చెప్పాల్సిన పని లేదు. ఓ తెలుగు సినిమా కూడా ప్రపంచవ్యాప్తంగా సంచలనాలు సృష్టించగలదని నిరూపించింది. అంతేకాకుండా.. తరువాత వచ్చే సినిమాల రికార్డులను నాన్ బాహుబలి రికార్డులుగా చెప్పుకునేలా చేసింది.


ప్రపంచవ్యాప్తంగా పలు భాషల్లో విడుదలై దాదాపు రూ.1800 కోట్ల వరకూ కలెక్షన్లని కొల్లగొట్టింది. దాంతో ఈ మూవీ మూడో భాగంగా ‘బాహుబలి 3’ వస్తుందని అప్పట్లో ప్రచారం జరిగింది. అయితే.. అనంతరం ‘ఆర్ఆర్ఆర్’ తెర మీదకి రావడం సంచలన విజయం అందుకోవడం, వెంటనే మహేశ్ బాబుతో పాన్ వరల్డ్ సినిమా అంటూ ప్రచారం జరగడంతో ఆ ప్రచారం కొద్దిగా సద్దుమణిగింది. ఈ తరుణంలోనే అమెరికాలో లాస్ ఎంజిల్స్ మూవీ మారథాన్ ఈవెంట్ జరుగుతోంది. సెప్టెంబర్ 30న ప్రారంభమైన ఈ ఈవెంట్ అక్టోబర్ నెలాకరు వరకూ జరగనుంది. ఈ ఈవెంట్‌లో రాజమౌళి దర్శకత్వంలో వచ్చిన ఆర్ఆర్ఆర్, బాహుబలి, ఈగ ప్రదర్శించారు. త్వరలో మరికొన్ని మూవీస్‌ని ప్రదర్శించనున్నారు.


ఈ ఈవెంట్‌లోనే రాజమౌళితో ‘క్యూ అండ్ ఏ’ సెషన్‌ని ఈవెంట్ మేనేజ్‌మేంట్ నిర్వహించింది. అందులో భాగంగా ‘బాహుబలి 3’ తీస్తానని చెప్పినట్లు అనుప్ దాసరి అనే ఓ నెటిజన్ ట్వీట్ చేశాడు. ఆయన చేసిన ట్వీట్‌లో.. ‘మూవీ మారథాన్ తర్వాత ప్రశ్నోత్తరాల సెషన్‌లో రాజమౌళి మాట్లాడారు. ఆయన చేసిన సినిమాల్లో ఒకే ఒక సినిమా క్లైమాక్స్‌లో మాత్రం ఓపెన్ ఎండ్‌గా ఓ సంభాషణని పెట్టినట్లు చెప్పుకొచ్చాడు. అది బాహుబలి 2 ఎండ్ క్రెడిట్స్‌లోనే.. అక్కడ ఒక చిన్న అమ్మాయి వాయిస్ ఓవర్ ఉంది. అది బాహుబలి 3 కోసం సూచన. మీలో ఎంత మంది దానిని గమనించారు? #Bahubali #Bahubali3’ అని రాసుకొచ్చాడు.


ఈ ట్వీట్ ప్రస్తుతం సోషల్ మీడియాలో వైరల్ అవుతోంది. దాంతో ‘నేను చూశాను’ అంటూ కొందరూ.. ‘అవునా ఉందా’ అంటూ మరికొందరూ కామెంట్స్ చేశారు. మరికొందరేమో బాహుబలి 2 క్లైమాక్స్ తర్వాత పేర్లు పడుతున్నప్పుడు.. ఈ సినిమాలో స్వామిజీ వేషం వేసిన తనికెళ్ల భరణికి, ఓ పాపకి జరిగిన సంభాషణకి సంబంధించిన వీడియోని షేర్ చేశారు. అందులో.. ‘అంటే తాతా.. మహేంద్ర బాహుబలి కొడుకు రాజయ్యాడా’ అని ఓ పాప అడగుతుంది. దానికి సమాధానం.. ‘ఏమో.. శివయ్య మనసులో ఏటనుకుంటున్నాడో నాకేటి ఎరుక’ అని తనికెళ్ల రిప్లై ఇచ్చాడు. అది చూసిన పలువురు అభిమానులు ఆ సినిమా కోసం వెయిట్ చేస్తున్నాం అంటూ కామెంట్స్ చేస్తున్నారు.



AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.