10 మంది హీరోయిన్స్తో ప్రశాంత్ వర్మ ప్రయోగం
ABN , First Publish Date - 2022-04-29T00:08:58+05:30 IST
టాలీవుడ్ టాలెంటెడ్ డైరెక్టర్ ప్రశాంత్ వర్మ ప్రస్తుతం తేజ సజ్జా హీరోగా ‘హనుమాన్’ అనే సూపర్ హీరో సినిమా తెరకెక్కిస్తున్నారు. తెలుగులో మొట్టమొదటి సూపర్ హీరో మూవీగా ఈ సినిమా ప్రత్యేకతను చాటుకుంటోంది. షూటింగ్ చివరి దశకు చేరుకుంది. ఈ ఏడాదే చిత్రం విడుదల కానుంది. దీని తర్వాత ప్రశాంత్ వర్మ ఓ ప్రయోగానికి సిద్ధమవుతున్నారని సమాచారం. పదిమంది హీరోయిన్స్తో ఒక కథ రెడీ చేస్తున్నారట.
టాలీవుడ్ టాలెంటెడ్ డైరెక్టర్ ప్రశాంత్ వర్మ ప్రస్తుతం తేజ సజ్జా హీరోగా ‘హనుమాన్’ అనే సూపర్ హీరో సినిమా తెరకెక్కిస్తున్నారు. తెలుగులో మొట్టమొదటి సూపర్ హీరో మూవీగా ఈ సినిమా ప్రత్యేకతను చాటుకుంటోంది. షూటింగ్ చివరి దశకు చేరుకుంది. ఈ ఏడాదే చిత్రం విడుదల కానుంది. దీని తర్వాత ప్రశాంత్ వర్మ ఓ ప్రయోగానికి సిద్ధమవుతున్నారని సమాచారం. పదిమంది హీరోయిన్స్తో ఒక కథ రెడీ చేస్తున్నారట. ఇదొక డిఫరెంట్ సబ్జెక్ట్. ఒక పాత్రకి మరో పాత్రకి ముడివేస్తూ చివర్లో ఆ చిక్కుముడులన్నీ తన స్ర్కీన్ప్లే మ్యాజిక్తో రివీల్ చేసేలా డిజైన్ చేశారట. దీనికోసం ఓ డిఫరెంట్ స్ర్కీన్ప్లేను రాసుకుంటున్నారని టాక్.
ఇందులో ఒక హీరోయిన్ పాత్ర కోసం అనుపమా పరమేశ్వరన్ ను దర్శకుడు సంప్రదించడం, ఆమె ఓకే చేయడం జరిగిపోయిందట. మిగతా హీరోయిన్స్ను కూడా పేరున్న వారినే తీసుకుంటున్నారని వినికిడి. త్వరలోనే ఈ సినిమాను అధికారికంగా ప్రకటించబోతున్నారు. ‘హనుమాన్’ చిత్రం కంప్లీట్ అయ్యాకా.. ఈ సినిమాను సెట్స్ పైకి తీసుకెళ్ళబోతున్నారు. మరి ప్రశాంత్ వర్మ ప్రయోగం ఏ స్థాయిలో సక్సెస్ అవుతుందో చూడాలి.