MAA : అన్నయ్యా.. అంటూ ప్రకాష్ రాజ్ పలకరింపు.. విష్ణుతో కరచాలనం

హైదరాబాద్ సిటీ : ‘మా’ (మూవీ ఆర్టిస్ట్ అసోసియేషన్) ఎన్నికల పోలింగ్ ప్రారంభమైంది. ‘మా’ సభ్యులంతా తరలివచ్చి తమ ఓటు హక్కును వినియోగించుకుంటున్నారు. కలెక్షన్ కింగ్ మంచు మోహన్ బాబు కూడా తన ఓటు వేయడానికి పోలింగ్ బూత్‌కు విచ్చేశారు. ఈ సందర్భంగా పోటీలో ఉన్న ప్రకాష్ రాజ్ కూడా వచ్చి.. మోహన్ బాబును ‘నమస్తే అన్నయ్యా..’ ఆప్యాయంగా అంటూ పలకరించారు. ఈ క్రమంలో పక్కనే ఉన్న విష్ణును దగ్గరికి పిలిచి ప్రకాష్‌తో కరచాలనం చేయించారు. అనంతరం ఇద్దరూ నవ్వుతూ ఆలింగనం చేసుకున్నారు. పోలింగ్ సరళిపై ప్రకాష్ రాజ్ మీడియాతో మాట్లాడుతూ.. ఈసారి ఓటింగ్ అధికంగా నమోదయ్యే అవకాశం ఉందని వెల్లడించారు. మధ్యాహ్నం 2 గంటల వరకు కొనసాగనున్న ఈ పోలింగ్ కొనసాగనుండగా.. సాయంత్రం 4 గంటల నుంచి రాత్రి 8 గంటల వరకు ఓట్ల లెక్కింపు జరగనుంది. 8 గంటల తర్వాత మా కింగ్ ఎవరో తేలిపోనుంది.