Cannes Film Festivalలో దేశానికి ప్రాతినిథ్యం వహించే అవకాశం.. Pooja Hegde రియాక్షన్ ఏంటంటే..

టాలీవుడ్‌లోనే కాకుండా కోలీవుడ్, బాలీవుడ్‌లో స్టార్ హీరోల సినిమాలు చేస్తూ గుర్తింపు పొందిన నటి పూజా హేగ్డే (Pooja Hegde). వరుస సినిమాలతో దూసుకోపోతున్న ఈ బ్యూటీ త్వరలో ప్రముఖ కేన్స్ ఫిల్మ్ ఫెస్టివల్‌లో దేశానికి ప్రాతినిథ్యం వహించనుంది. ఇప్పటికే ఈ ఫెస్టివల్‌లో జ్యూరీ సభ్యురాలిగా దీపికా పదుకొనే (Deepika Padukone) వ్యవహరిస్తున్న విషయం తెలిసిందే. తాజాగా నటి పూజా హెగ్డే కేన్స్ ఫిల్మ్ ఫెస్టివల్‌లో దేశానికి ప్రాతినిధ్యం వహించనుంది. ఈ బ్యూటీ మే 16న ఫ్రాన్స్‌కు వెళ్లనుంది. అనంతరం మే 17, 18 తేదీలలో జరిగే ప్రొగామ్స్‌లో పాల్గొననుంది. అలాగే ప్రపంచవ్యాప్తంగా అత్యంత ప్రసిద్ధ నటులు (Popular Actors) ఆతిథ్యం ఇచ్చే పార్టీకి ఈ భామ గెస్ట్‌గా హాజరు అవుతుంది.

దీని గురించి పూజా మాట్లాడుతూ.. ‘మొట్టమొదటగా భారతదేశానికి కేన్స్ ఫిల్మ్ ఫెస్టివల్‌లో మంచి గౌరవం దక్కడం గర్వంగా అనిపిస్తుంది. మన దేశానికి ఈ ఫెస్టివల్‌లో గొప్ప చరిత్రే ఉంది. 1946లో చేతన్ ఆనంద్ ‘నీచా నగర్’కి అత్యున్నత బహుమతి గెలుచుకుంది. అప్పటి నుంచే ఈ ఫిల్మ్ ఫెస్టివల్‌‌తో మనకు మంచి అనుబంధం మొదలైంది. భాష, భౌగోళిక, సంస్కృతి అడ్డంకులను అధిగమించడానికి సినిమాలు ఎంతో ఉపయోగపడతాయని నేను బలంగా నమ్ముతాను. దేశానికి ప్రాతినిథ్యం వహించే అవకాశాన్ని ఎల్లప్పుడూ ఓ గౌరవంగా భావిస్తాను. భవిష్యత్తులోనూ ఇలాంటి అవకాశాలు మరిన్నీ రావాలని కోరుకుంటున్నా’ అని చెప్పుకొచ్చింది.