Maniratnam: పీఎస్‌–1 విడుదల తేదీ ఖరారు!

1950ల్లో కల్కి కృష్ణమూర్తి రచించిన నవల ఆధారంగా రూపొందుతున్న చిత్రం ‘పొన్నియిన్‌ సెల్వన్‌’ (Ponniyin selvan -1). మణిరత్నం దర్శకత్వంలో లైకా ప్రొడక్షన్స్‌, మద్రాస్‌ టాకీస్‌ సంయుక్తంగా నిర్మిస్తున్నాయి. విక్రమ్‌, జయం రవి, కార్తి, ఐశ్వర్య రాయ్‌ బచ్చన్‌, త్రిష, ఐశ్వర్య లక్ష్మి, శరత్‌కుమార్‌, విక్రమ్‌ ప్రభు, శోభిత ధూళిపాల, జయరామ్‌, పార్తిబన్‌, ప్రకాష్‌రాజ్‌ కలక పాత్రలు పోషిస్తున్న ఈ చిత్రం రెండు భాగాలుగా విడుదల కానుంది. తమిళ, హిందీ, తెలుగు, కన్నడ, మలయాళ భాషల్లో ఈ చిత్రాన్ని ఏకకాలంలో విడుదల చేయనున్నారు. ‘పి.యస్‌–1’ సెప్టెంబర్‌ 30న విడుదల చేయడానికి సన్నాహాలు చేస్తున్నారు. (Ponniyin selvan -1 on 10th september)

పదో శతాబ్దానికి చెందిన సాహసోపేతమైన అంశాలతో అల్లుకున్న నవల పొన్నియిన్‌ సెల్వన్‌. చోళుల సామ్రాజ్యంలో చోటుచేసుకున్న ఎన్నో అంశాల సమాహారంగా తీర్చిదిద్దారు. ఆ తర్వాత రాజరాజచోళుడిగా కీర్తి పొంది, భారతదేశ చరిత్రలో సువర్ణాధ్యాయాన్ని లిఖించిన పొన్నియిన్‌ సెల్వన్‌ (కావేరి నది పుత్రుడు) పేరుతో తెరకెక్కుతున్న సినిమా ఇది. ఆయన రాజాఽ్యధికారం స్వీకరించడానికి ముందున్న గందరగోళ పరిస్థితులను కళ్లకు కట్టినట్టు ఈ నవలలో పేర్కొన్నారు. దీని ఆధారంగా ‘పొన్నియన్‌ సెల్వన్‌’ భారీ బడ్జెట్‌తో రూపొందుతోంది. ఈ చిత్రానికి సంగీతం: ఎ.ఆర్‌.రెహమాన్‌, సినిమాటోగ్రఫీ: రవి వర్మన్‌, ప్రొడక్షన్‌ డిజైనర్‌: తోట తరణి, ఎడిటింగ్‌: శ్రీకర్‌ ప్రసాద్‌. (A.R. Rehman music for Ponniyin selvan)