Andrew Symonds: బిగ్బాస్లో క్రికెట్ దిగ్గజం.. పాత వీడియో వైరల్
ABN , First Publish Date - 2022-05-16T20:01:19+05:30 IST
క్రికెట్ దిగ్గజం ఆండ్రూ సైమండ్స్ మే 15న ఆస్ట్రేలియాలోని క్వీన్స్లాండ్లో జరిగిన కారు ప్రమాదంలో మరణించాడు...
క్రికెట్ దిగ్గజం ఆండ్రూ సైమండ్స్ మే 15న ఆస్ట్రేలియాలోని క్వీన్స్లాండ్లో జరిగిన కారు ప్రమాదంలో మరణించాడు. టౌన్స్విల్లేకు 50 కిలోమీటర్ల దూరంలోని హెర్వీ రేంజ్లో ఈ ప్రమాదం జరిగింది. ఈ వార్త ప్రపంచవ్యాప్తంగా ఉన్న క్రికెట్ అభిమానుల్లో విషాదాన్ని నింపింది. ఈ తరుణంలో సైమండ్స్ గతంలో టీవీ రియాలిటీ షో బిగ్బాస్లో పాల్గొన్న వీడియో ప్రస్తుతం వైరల్గా మారింది. అందులో ఈ క్రికెటర్ మున్నాభాయ్ ఎంబీబీఎస్ (MunnaBhai MBBS)లోని సంజయ్ దత్ పాత్రని, అలాగే షోలే అమ్జాద్ ఖాన్ పోషించిన గబ్బర్ సింగ్ పాత్రని ఇమిటేట్ చేశాడు.
ఆండ్రూ సైమండ్స్ 2011లో బిగ్బాస్ 5లో ప్రత్యేక అతిథిగా రెండు వారాల పాటు హౌస్లో ఉన్నాడు. ఈ సందర్భంలో ఓ ఎపిసోడ్లో ఆయన మున్నాభాయ్ ఎంబీబీఎస్లోని సంజయ్ పాత్ర అనుకరించాడు. అందులో ఆకాష్దీప్ సైగల్ అర్షద్ వార్సీ పాత్ర సర్క్యూట్గా నటించాడు. అలాగే సన్నీ లియోన్ నుంచి డ్యాన్స్ సైతం నేర్చుకున్నాడు. అనంతరం ఓ సాంగ్కు డ్యాన్స్ కూడా చేశాడు.
అదే షో మరొక ఎపిసోడ్లో.. ఆండ్రూ సైమండ్స్ షోలే(Sholay)లోని గబ్బర్ సింగ్గా పాత్రని అనుకరించాడు. ఇందులో కాలియా పాత్రలో జూహీ నటించింది. ఈ క్రికెటర్ పర్ఫెక్ట్ డైలాగ్స్తో అందరినీ ఆకట్టుకోవడం విశేషం. అలాగే అక్కడ ఉన్నప్పుడు రోటీ, భారతీయ వంటకాలు, కూరలు తయారు చేయడం నేర్చుకున్నాడు. ఈ వీడియోని చూసిన పలువురు సైమండ్స్ అభిమానులు బాధగా ఉందంటూ కామెంట్స్ చేస్తున్నారు.