మనీ లాండరింగ్‌ కేసులో నోరా ఫతేహీకి షాక్!

బాలీవుడ్‌ హాట్ భామ నోరా ఫతేహికి ఎన్‌ఫోర్స్‌‌మెంట్ డైరెక్టరేట్ ‌(ఈడీ) షాక్‌ ఇచ్చింది. రూ. 200 కోట్ల మనీ లాండరింగ్‌ కేసులో ఆమెను విచారణకు పిలిచింది. దీంతో ఆమె ఈడీ ఆఫీస్‌కు ఈ రోజు (గురువారం) వెళ్లింది. ఛీటింగ్ కేసులో అరెస్ట్ అయిన సుకేష్‌ చంద్రశేఖర్‌కు సంబంధించిన కేసులో విచారణకు హాజరు కావాల్సిందిగా ఫతేహిని ఈడీ ఆదేశించింది. సుకేష్‌తో నోరా ఫతేహీకి, జాక్వెలిన్ ఫెర్నాండేజ్‌కు సన్నిహిత సంబంధాలున్నాయని ఈడీ దృష్టికి వచ్చింది.  

ఈ కేసు విచారణలో భాగంగానే బాలీవుడ్ హీరోయిన్ జాక్వెలిన్ ఫెర్నాండేజ్‌ను కూడా ఈడీ అధికారులు విచారించారు. మొదట ఈ కేసులో ఆమెను కూడా నిందితురాలిగానే భావించారు. అయితే విచారణ అనంతరం ఆమె బాధితురాలు మాత్రమేనని తేల్చారు. చంద్రశేఖర్‌ తన భార్య లీనా పాల్ ద్వారా జాక్వెలిన్‌ను మోసం చేశాడని కనుగొన్నారు. కాగా, ఇదే కేసులో నోరా ఫతేహిని కూడా ప్రశ్నిస్తున్నారు.