Nithin : కన్ఫ్యూజన్‌లో కెరీర్

ABN , First Publish Date - 2022-09-01T21:49:59+05:30 IST

టాలీవుడ్ మినిమమ్ గ్యారెంటీ హీరోల్లో నితిన్ (Nithin) ఒకడు. కాలం కలిసొస్తే సూపర్ హిట్లు కొట్టగలడు. అతడి సినిమాలకు ఓపెనింగ్స్ డీసెంట్‌గా ఉంటాయి. సినిమాను ఎలా ప్రమోట్ చేసుకోవాలో బాగా తెలుసు. మొత్తానికి నితిన్‌ది ఎలాంటి ఢోకాలేని కెరీర్.

Nithin : కన్ఫ్యూజన్‌లో కెరీర్

టాలీవుడ్ మినిమమ్ గ్యారెంటీ హీరోల్లో నితిన్ (Nithin) ఒకడు. కాలం కలిసొస్తే సూపర్ హిట్లు కొట్టగలడు. అతడి సినిమాలకు ఓపెనింగ్స్ డీసెంట్‌గా ఉంటాయి.  సినిమాను ఎలా ప్రమోట్ చేసుకోవాలో బాగా తెలుసు. మొత్తానికి నితిన్‌ది ఎలాంటి ఢోకాలేని కెరీర్. ‘భీష్మ’ (Bhishma) చిత్రంతో సూపర్ హిట్ కొట్టిన నితిన్.. ఆ తర్వాత అంతటి స్థాయిలో మరో సక్సెస్ అందుకోలేకపోయాడు. ‘చెక్, రంగ్‌దే, మాస్ట్రో’ లాంటి సినిమాలు వరుసగా పరాజయం పాలయ్యాయి. దీని తర్వాత సినిమా ‘మాచర్ల నియోజకవర్గం’ (Macharla Niyojakavargam) అయితే అత్యంత భారీ డిజాస్టర్. ఈ ప్లాప్ నితిన్ కెరీర్‌ను మరింత కన్ఫ్యూజన్‌లో పడేసింది. 


నిజానికి ‘మాచర్ల నియోజకవర్గం’ చిత్రం తర్వాత వక్కంతం వంశీ (Vakkantham Vamshi) దర్శకత్వంలో ‘జూనియర్’ (Junior) అనే సినిమాను మొదలపెట్టాలి నితిన్. అది కూడా శ్రేష్ఠ్ మూవీస్ (Shreshth Movies ) బ్యానర్ పైనే. ఆ మధ్య గ్రాండ్‌గా లాంఛ్ అయిన ఈ సినిమాకు సంబంధించి మరో అప్డేట్ ఇంతవరకూ రాలేదు. ముందుగా ప్లాన్ చేసుకొన్న ప్రకారం అక్టోబర్‌లోనే ఈ సినిమాను పట్టాలెక్కించాలి. అయితే నితిన్ ఇప్పడు ఆలోచనలో పడ్డాడని టాక్. ఈ సినిమాను ఎప్పుడు ప్రారంభించాలి అనే విషయంలో ఇంకా కన్ఫ్యూజన్ కొనసాగుతోంది. సాగర్ చంద్ర (Sagar Chandra) సైతం నితిన్‌కు ఓ కథ చెప్పాడు. అది నితిన్ కు బాగా నచ్చింది. అలాగే అశ్వథ్ధామ దర్శకుడు రమణతేజ (Ramanateja) కూడా ఓ కథ చెప్పినట్టు తెలుస్తోంది. వీరు కాకుండా నితిన్ కు మరికొందరు కథలు చెప్పారట. వీటిలో ఏది మొదలు పెట్టాలనే విషయంలో నితిన్ ఎటూ తేల్చుకోలేకున్నాడట. 


ఒక సినిమా ఫ్లాప్ అయిన తర్వాత సొంత బ్యానర్ లో మరో సినిమా చేయాలంటే..  కొంత సమయం పడుతుంది. అందుకే వక్కంతం వంశీ సినిమాను వెనక్కు జరిపి.. బైటి బ్యానర్ లో ఒక సేఫ్ ప్రాజెక్ట్ చేయాలని భావిస్తున్నాడట నితిన్. అదే జరిగితే వక్కంతం సినిమా ఈ ఏడాది లేనట్టే. ముందు సాగర్ చంద్ర దర్శకత్వంలోని సినిమాను పట్టాలెక్కించి ఆ తర్వాత వక్కంతం సినిమా చేయబోతున్నాడట నితిన్. మరి ఈ వార్తల్లోని నిజానిజాలేంటో చూడాలి. 

Updated Date - 2022-09-01T21:49:59+05:30 IST