అలనాటి హాలీవుడ్ అందాల తార Marilyn Monroe డ్రెస్‌కి డ్యామెజ్.. American Modelని ఆడేసుకుంటున్న నెటిజన్లు

ఎప్పటికప్పుడూ కొత్త ఫ్యాషన్‌తో ఆకట్టుకుంటూ ప్రపంచవ్యాప్తంగా అభిమానులను సంపాదించుకున్న బ్యూటీ Kim Kardashian. మోడల్‌గా కెరీర్‌ని ప్రారంభించిన ఈ బ్యూటీ బిజినెస్‌ వుమెన్‌గా రాణిస్తోంది. అంతేకాకుండా ఇప్పటికీ తన డ్రెస్సింగ్ స్టైల్‌తో ఫ్యాన్స్‌ని ఆకట్టుకుంటోంది. ఇటీవల జరిగిన మెట్‌ గాలా (Met Gala) అవార్డు ఫంక్షన్‌కి సైతం ఈ బ్యూటీ హాజరైంది. ఆ వేడులకి అలనాటి హాలీవుడ్ అందాల తార మార్లిన్ మన్రో (Marilyn Monroe) డ్రెస్స్‌ని వేసుకొచ్చి అందరినీ కట్టిపడేసింది. 1962లో ఓ ఫండ్ రైజింగ్ ఈవెంట్‌ సందర్భంగా ఏర్పాటు చేసిన పార్టీలో మార్లిన్ మన్రో ఈ డ్రెస్‌ని మొదటిసారి వేసుకున్నారు. ఆ డ్రెస్‌‌ని వేలంలో గెలుచుకున్న కిమ్ దాదాపు 60 ఏళ్ల తర్వాత 2022లో జరిగిన మెట్‌గాలా వేడుకలో ధరించింది. కాగా.. ఈ డ్రెస్‌ డ్యామెజ్ అయినట్లు పలు వార్తలు సోషల్ మీడియాలో హల్‌చల్ చేస్తున్నాయి. దీంతో కిమ్‌ని ట్రోల్ చేస్తూ పలువురు నెటిజన్లు సోషల్ మీడియాలో ట్వీట్స్ పెడుతున్నారు.

ఈ డ్రెస్‌కి సంబంధించి కొన్ని పిక్స్‌ సోషల్ మీడియాలో వైరల్ అవుతున్నాయి. అందులో.. మార్లిన్ డ్రెస్ కొంచెం డ్యామెజీ అయ్యింది. కొన్ని స్పటికాలు పగిలిపోయాయి. అలాగే.. డ్రెస్ సైతం కొంచెం చిరిగిపోయింది. దీంతో ఎంతోమంది మార్లిన్ ఫ్యాన్స్ ఈ పోస్ట్‌పై రియాక్ట్ అవుతూ వరుసగా కామెంట్స్ చేస్తున్నారు. ‘కిమ్ అసలు ఈ డ్రెస్ వేసుకుని ఉండాల్సింది కాదు. దాని బదులు అలాంటిదే మరోది తయారు చేసి దాన్ని వేసుకోవాల్సింది. అప్పుడు ఇలాంటి ఐకానిక్ డ్రెస్‌కి ఎలాంటి సమస్య ఉండకపోయేది’ అని కొందరు ట్వీట్ చేశారు. ‘ఇలాంటివి జరిగినప్పుడే.. చారిత్రాత్మకమైన వస్తువులను ఉంచేందుకు ఓ ఇనిస్టిట్యూట్ అవసరమని అనిపిస్తుంటుంది’ మరి కొందరు అభిప్రాయపడ్డారు.