NBK108: త్వరలో బాంబార్డింగ్..!
ABN , First Publish Date - 2022-08-11T23:56:50+05:30 IST
నటసింహ నందమూరి బాలకృష్ణ (Nandamuri Balakrishna), డబుల్ బ్లాక్బస్టర్ దర్శకుడు అనిల్ రావిపూడి (Anil Ravipudi) క్రేజీ కాంబినేషన్లో NBK108 చిత్రం తెరకెక్కబోతోన్న విషయం తెలిసిందే. డైరెక్టర్ అనిల్ రావిపూడి కూడా
నటసింహ నందమూరి బాలకృష్ణ (Nandamuri Balakrishna), డబుల్ బ్లాక్బస్టర్ దర్శకుడు అనిల్ రావిపూడి (Anil Ravipudi) క్రేజీ కాంబినేషన్లో NBK108 చిత్రం తెరకెక్కబోతోన్న విషయం తెలిసిందే. డైరెక్టర్ అనిల్ రావిపూడి కూడా ఈ సినిమా ఏ జానర్లో ఉండబోతుందో క్లారిటీ ఇచ్చేశారు. ఈ సినిమాకి సంబంధించిన అప్డేట్ ఎప్పుడెప్పుడు వస్తుందా.. అని ఎదురుచూస్తున్న నందమూరి అభిమానులకు చిత్రయూనిట్ తాజాగా ఓ సర్ప్రైజ్ ఇచ్చారు. ఈ చిత్రాన్ని ఎవరు నిర్మించబోతున్నారనే అప్డేట్తో పాటు ఈ చిత్రానికి సంగీత దర్శకుడు ఎవరనేది కూడా తాజా ప్రకటనలో తెలియజేస్తూ ఓ వీడియోను విడుదల చేశారు. (NBK108 Announcement)
ఈ క్రేజీ ప్రాజెక్ట్ను షైన్ స్క్రీన్స్ (Shine Screens) బ్యానర్పై సాహు గారపాటి (Sahu Garapati), హరీష్ పెద్ది (Harish Peddi) భారీ బడ్జెట్తో నిర్మించనున్నారు. అలాగే ‘అఖండ’ (Akhanda) అద్భుతమైన సక్సెస్కు ఓ కారణమైన సంగీత దర్శకుడు ఎస్ థమన్ (S Thaman) ఈ చిత్రానికి సంగీతం అందించనున్నారు. షైన్ స్క్రీన్స్ నిర్మాణంలో బాలకృష్ణ, అనిల్ రావిపూడి , ఎస్ థమన్ కాంబినేషన్లో రానున్న ఈ చిత్రం కచ్చితంగా భారీ విజయాన్ని అందుకుంటుందని నిర్మాతలు ప్రకటించారు. ఇక అనౌన్స్మెంట్ వీడియోలో.. ‘‘త్వరలో బాంబార్డింగ్…’’ అని తెలిపారు. ఈ వీడియోకి తమన్ ఇచ్చిన బిజీయం మ్యూజిక్ అదిరిపోయింది. అనౌన్స్మెంట్ బిజీఎంతోనే అదరగొడితే.. సినిమాలో ఏ స్థాయిలో మ్యూజిక్ ఉంటుందో అర్థం చేసుకోవచ్చు. మరోసారి సౌండ్ బాక్స్లు బద్దలవ్వాల్సిందే అన్నట్లుగా ముందే తమన్ హింట్ ఇచ్చినట్లుగా ఈ వీడియో ఉంది. మాస్ పల్స్ తెలిసిన అనిల్ రావిపూడి బాలకృష్ణ కోసం విభిన్నమైన, మాస్ స్క్రిప్ట్ని సిద్ధం చేశారని, బాలయ్యని మునుపెన్నడూచూడని పాత్రలో చూడబోతున్నారని నిర్మాతలు తెలుపుతున్నారు. కాగా, ప్రముఖ తారాగణం నటించనున్న ఈ చిత్రానికి అత్యున్నత సాంకేతిక నిపుణులు పనిచేయబోతున్నారని తెలుస్తుంది.