Virataparvam: ఆకట్టుకుంటున్న 'నగాదారిలో' లిరికల్ వీడియో సాంగ్..
ABN , First Publish Date - 2022-06-03T18:18:14+05:30 IST
చాలా నెలలనుంచి అదిగో ఇదిగో అంటూ ప్రేక్షకులను ఊరిస్తున్న సినిమా విరాట పర్వం (Virata Parvam). ఎప్పటికప్పుడు విడుదల వాయిదా పడుతూ వచ్చిన ఈ సినిమా ఎట్టకేలకు విడుదల చేసేందుకు తేదీని ఖరారు చేసింది చిత్రబృందం.
చాలా నెలలనుంచి అదిగో ఇదిగో అంటూ ప్రేక్షకులను ఊరిస్తున్న సినిమా విరాట పర్వం (Virata Parvam). రానా దగ్గుబాటి (Rana Daggubati)- సాయి పల్లవి (Sai Pallavi) ప్రధాన పాత్రల్లో నటించగా ఎప్పటికప్పుడు విడుదల వాయిదా పడుతూ వచ్చిన ఈ సినిమా ఎట్టకేలకు విడుదల చేసేందుకు తేదీని ఖరారు చేసింది చిత్రబృందం. జూన్ 17న రిలీజ్ చేయబోతున్నట్టు ఇటీవలే మేకర్స్ ప్రకటించారు. ఈ నేపథ్యంలో ప్రమోషన్స్ మొదలుపెట్టారు. ఈ క్రమంలో తాజాగా సినిమా నుంచి ఓ లిరికల్ సాంగ్‌ను విడుదల చేశారు.
నిప్పూ ఉంది నీరూ ఉంది నగాదారిలో,
చివరికి నెగ్గేదేది తగ్గేదేది నగాదారిలో..
ఒకరి కోసం బతికితే ప్రేమ,
ప్రజల కోసం బతికితే విప్లవం,
ప్రేమను మించిన ప్రజాస్వామిక విలువ ఉంటుందా...
ఈ లైన్‌ను ట్వీట్ చేస్తూ చిత్ర దర్శకుడు వేణు ఊడుగుల (Venu Udugula) 'విరాటపర్వం' (Virata Parvam) సినిమా నుంచి లేటెస్ట్ సాంగ్‌ను వదిలారు. తెలంగాణలో బాగా అలవాటైన 'నగాదారిలో' (Nagadarilo) అనే పదాన్ని తీసుకొన్ని రాసిన ఈ పాట వినడానికి చాలా బాగుంది. 'ప్రేమ కన్నా గొప్ప విప్లవం పుట్టలేదు'.. అంటూ సాగిన ఈ పాటకి సురేష్ బొబ్బిలి మంచి ట్యూన్ అందివ్వగా, నరేందర్-భరద్వాజ్ చక్కటి సాహిత్యం అందించారు. మంచి ట్యూన్ అండ్ లిరిక్స్‌కి సింగర్ వరం వాయిస్ కూడా బాగా సూటవడంతో 'నగాదారిలో' పాట అద్భుతంగా వచ్చింది.
విరాటపర్వంలోని 'కోలు కోలోయమ్మ' సాంగ్ తర్వాత ఈ మధ్యలో మళ్ళీ అలాంటి ఆహ్లాదకరమైన పాటను వినలేదు. ఆ లోటుని 'నగాదారిలో' తీర్చేసింది. వినడానికే కాదు 'నగాదారిలో' లిరికల్ సాంగ్ చూడడానికి కూడా బాగుంది. సాయి పల్లవిని చూడడానికి ఈ సాంగ్‌ను రిపీట్ మోడ్‌లో వింటారు. రానా (Rana) - సాయి పల్లవి (Sai Pallavi) కలిసి కనిపించిన ఫ్రేమ్స్ చాలా బాగున్నాయి. ఇక ఈ సినిమాలో ప్రియమణి (Priyamani), నందిత దాస్ (Nandita Das), నివేతా పేతురాజ్ (Nivetha Pethuraj) కీలక పాత్రల్లో కనిపించబోతున్నారు. భీమ్లా నాయక్ తర్వాత రానా నుంచి వస్తున్న సినిమా ఇదే కావడంతో ఎలాంటి హిట్ అందుకుంటారో అని అభిమానులు ఆతృతగా చూస్తున్నారు.
