Krishna Vrinda Vihari: సెకండ్ సాంగ్ ‘ఏముంది రా’
ABN , First Publish Date - 2022-05-04T23:48:20+05:30 IST
యంగ్ హీరో నాగశౌర్య (Naga Shaurya), షిర్లీ సెటియా (Shirley Setia) హీరోహీరోయిన్లుగా అనీష్ ఆర్ కృష్ణ (Anish R Krishna) దర్శకత్వంలో ఐరా క్రియేషన్స్ (Ira Creations) పతాకంపై..
యంగ్ హీరో నాగశౌర్య (Naga Shaurya), షిర్లీ సెటియా (Shirley Setia) హీరోహీరోయిన్లుగా అనీష్ ఆర్ కృష్ణ (Anish R Krishna) దర్శకత్వంలో ఐరా క్రియేషన్స్ (Ira Creations) పతాకంపై.. నిర్మాత ఉషా మూల్పూరి (Usha Mulpuri) నిర్మిస్తున్న చిత్రం ‘కృష్ణ వ్రింద విహారి’ (Krishna Vrinda Vihari). ఈ చిత్రం మే 20న ప్రపంచవ్యాప్తంగా థియేటర్లలోకి రానుంది. ఈ సందర్భంగా చిత్రయూనిట్ ప్రమోషన్ కార్యక్రమాలను వేగవంతం చేసింది. అందులో భాగంగా ఇప్పటికే విడుదలైన టీజర్, ఫస్ట్ సింగిల్ ప్రేక్షకుల నుండి మంచి స్పందనను రాబట్టుకోగా.. తాజాగా మేకర్స్ రెండో సింగిల్ను విడుదల చేశారు.
‘ఏముంది రా’ (Emundi Ra) అనే లిరిక్స్ తో వచ్చిన ఈ సాంగ్ని గాయకుడు హరిచరణ్ (Haricharan) ఆలపించగా.. హర్ష (Harsha) సాహిత్యం అందించారు. మహతి స్వర సాగర్ (Mahati Swara Sagar) వినసొంపైన సంగీతాన్ని అందించారు. అలాగే ఈ లిరికల్ వీడియోలో చూపించిన విజివల్స్ కూడా బ్యూటీఫుల్గా ఉన్నాయి. పాటలో నాగశౌర్య, షిర్లీని అగ్రహారానికి తీసుకురావడం, ఆమె సాంప్రదాయ బ్రాహ్మణ అమ్మాయిగా కనిపించడం, హల్దీ ఫంక్షన్ మొదలుకొని పెళ్లి, సీమంతం, పిల్లలు.. ఇలా హ్యాపీ మూమెంట్స్ని పాటలో చూపించారు. ప్రస్తుతం ఈ పాట యూట్యూబ్ లో ట్రెండ్ అవుతోంది. కాగా, డిఫరెంట్ రొమాంటిక్ కామెడీ ఎంటర్ టైనర్ గా తెరకెక్కుతున్న ఈ చిత్రంలో సీనియర్ హీరోయిన్ రాధికా శరత్ కుమార్ (Radhika Sarath Kumar) ఓ కీలక పాత్రలో నటిస్తున్నారు.