14 రోజుల జుడీషియల్ కస్టడీ...
ABN , First Publish Date - 2021-10-08T01:23:33+05:30 IST
బాలీవుడ్ సూపర్ స్టార్ తనయుడు ఆర్యన్ ఖాన్ మరో 14 రోజులు జుడీషియల్ కస్టడీలో ఉండనున్నాడు. అతడితో పాటూ మరో ఏడుగురు నిందితుల్ని కూడా జుడీషియల్ కస్టడీలోకి తీసుకోవాలని కోర్టు అదేశించింది.
బాలీవుడ్ సూపర్ స్టార్ తనయుడు ఆర్యన్ ఖాన్ మరో 14 రోజులు జుడీషియల్ కస్టడీలో ఉండనున్నాడు. అతడితో పాటూ మరో ఏడుగురు నిందితుల్ని కూడా జుడీషియల్ కస్టడీలోకి తీసుకోవాలని కోర్టు అదేశించింది. తమ కస్టడీకి అనుమతించాలని ఎన్సీబీ చేసిన అభ్యర్థనని కోర్టు తోసిపుచ్చింది. ఎన్సీబీ రిమాండ్ రిపోర్ట్ స్పష్టంగా లేని కారణంగా డ్రగ్స్ కేసు నిందితులు అందర్నీ జడ్జ్ జుడీషియల్ కస్టడీకి తరలించాలంటూ అదేశించారు.
మరోవైపు, షారుఖ్ తనయుడి తరుఫున వాదిస్తోన్న లాయర్ ఇప్పటికే మధ్యంతర బెయిల్ కోసం కోర్టును ఆశ్రయించారు. గత రెండు రోజులుగా ఆర్యన్ ఖాన్‌ను ఎన్సీబీ ఒక్కసారి కూడా ప్రశ్నించలేదని ఆయన కోర్టు దృష్టికి తీసుకొచ్చారు. అనవసరంగా తన క్లైంట్‌ను అదుపులో ఉంచుకోటానికి వీల్లేదంటూ ఆయన బలంగా తన వాదన వినిపించారు. ఆర్యన్ బెయిల్ పీటీషన్‌పై విచారణ శుక్రవారం ఉదయం కొనసాగనుంది.