Ladki: చైనాలో 40 వేల థియేటర్‌లో RGV చిత్రం

Twitter IconWatsapp IconFacebook Icon
Ladki: చైనాలో 40 వేల థియేటర్‌లో RGV చిత్రం

వివాదాల దర్శకుడు రామ్‌గోపాల్‌ వర్మ (Ramgopal varma)తెరకెక్కించిన తాజా చిత్రం ‘లడ్‌కీ’ (Ladki). మార్షల్‌ ఆర్ట్స్‌ నేపథ్యంలో రూపొందిన ఈ చిత్రాన్ని తెలుగులో ‘అమ్మాయి’గా అనువదిస్తున్నారు. అంతే కాదు, తమిళ, మలయాళ, కన్నడ భాషలతోపాటు చైనాలోనూ విడుదల చేయనున్నారు. చైనీస్‌లో ‘గర్ల్‌ ‘డ్రాగన్‌’ పేరుతో దాదాపు 40000 థియేటర్‌లలో విడుదల చేయడానికి వర్మ సన్నాహాలు చేస్తున్నారు. దుబాయ్‌కు చెందిన నిర్మాణ సంస్థ ఆర్ట్‌సీ మీడియా, చైనాకు చెందిన బిగ్‌ పీపుల్‌ సంస్థతో కలిసి రామ్‌గోపాల్‌వర్మ రూపొందించిన ఈ చిత్రం ఈ నెల 15న విడుదల కానుంది. ఈ సినిమా ట్రైలర్‌ను ప్రపంచంలోనే అత్యంత పొడవైన బూర్జ్‌ ఖలీఫాపై ప్రదర్శించారు. ఇప్పటి వరకూ ఇండియన్‌ స్ర్కీన్‌ మీద భారీ విజయం సాధించిన చిత్రాలు ‘దంగల్‌’ 9000,  ‘సీక్రెట్‌ సూపర్‌స్టార్‌’ 12000, ‘బాహుబలి’ 6000 థియేటర్‌లలో విడుదల కాగా, ‘లడ్‌కీ’ చిత్రం మాత్రం 40000 థియేటర్‌లలో విడుదల, ఇండియన్‌ సినిమా చరిత్రలోనే ఇంత భారీస్థాయిలో రిలీజ్‌ చేయడం మొదటిసారి కావడం విశేషం. (Pooja bhalekar)

ఇందులో కథానాయిక పాత్రధారి పూజా బాలేకర్‌ టైక్వాండో నేషనల్‌ ఛాంపియన్‌. అయినప్పటికీ ఈ చిత్రానికి గానూ చైనాలోని షావోలిన్‌ టెంపుల్‌లో శిక్షణ తీసుకున్న నిపుణుల పర్యవేక్షణలో బ్రూస్‌లీ స్టైల్‌ అయినటువంటి జీత్‌ కునేడోలో ట్రైనింగ్‌ ఇచ్చారు. ‘బ్రూస్‌లీ పట్ల నాకున్న అభిమానంతో తీసిన చిత్రమిది. రెండు దశాబ్ధాల కల ఇది’’ అని ఆర్‌జీవీ ట్వీట్‌ చేశారు. (40 thousand theatres for Ladki in china)



AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.